"Eina úrræðið var að flestra mati að herða sultarólina"

 Í skýrslu Rannveigar Traustadóttur o.fl. um hag öryrkja segir svo m.a.:

Vegna

flókinna tekjutenginga bótakerfisins er öryrkjum gert erfitt, ef ekki ómögulegt, að breyta

fjárhagslegum aðstæðum sínum. Tilraunir þátttakenda í rannsókninni til að hafa áhrif á ytri

aðstæður dugðu skammt. Eina úrræðið var að flestra mati að herða sultarólina og hagræða í

heimilisrekstri. Varkárni, útsjónarsemi og fyrirhyggja í fjármálum voru þættir sem flestir

nefndu sem lykilatriði til að komast af. Öll voru þau sammála um nauðsyn þess að temja sér

hófsaman lífsstíl og gera eins litlar kröfur til efnalegra gæða og mögulegt væri. En þrátt fyrir

mikla ráðdeild og hagsýni bjuggu flest sem þessi rannsókn tók til við afar erfiða fjárhagsstöðu.

Eitt af því sem þátttakendur lögðu áherslu á var mikilvægi þess að geta lagt fé til hliðar til að

eiga fyrir óvæntum útgjöldum, en það skiptir sköpum ef fólk á að geta forðast fátækt. Flest

þátttakenda gátu það ekki og mörg þeirra bjuggu í vaxandi mæli við fjárhagsþrengingar vegna

hækkandi verðs á nauðsynjavörum og þjónustu, frystingu bótagreiðslna og afnáms ýmiss

konar afsláttarkjara.

Þetta ert ljótur vitnisburður um aðstæður öryrkja  og ótrúlegt,að þetta ástand skuli vera í svokölluðu velferðarríki.Ísland verður að þvo þennan blett af sér sem fyrst.

 

Björgvin Guðmundsson

.