Björgvin Guðmundsson

Föstudagur, 11. mars 2011

Atvinnuleysið 8,6%

Skráð atvinnuleysi í febrúar 2011 var 8,6% en að meðaltali 13.772 manns voru atvinnulausir í febrúar og eykst atvinnuleysi um 0,1 prósentustig frá janúar, eða um 314 manns að meðaltali.

Þetta kemur fram á vefsíðu Vinnumálastofnunnar. Þar segir að körlum á atvinnuleysisskrá fjölgar um 187 eða um 0,2 prósentustig að meðaltali en konum um 127 að meðaltali eða um 0,1 prósentustig.

Mest fjölgar atvinnulausum hlutfallslega á Vestfjörðum en þar fjölgar um 26 manns á atvinnuleysisskrá að meðaltali. Atvinnuleysið er 9,2% á höfuðborgarsvæðinu en 7,7% á landsbyggðinni. Mest er það á Suðurnesjum 14,5%, en minnst á Norðurlandi vestra 4,1 %. Atvinnuleysið er 9,3% meðal karla og 7,8% meðal kvenna.

Alls voru 14.873 atvinnulausir í lok febrúar. Þeir sem voru atvinnulausir að fullu voru hins vegar 12.456, af þeim voru 3.992 í einhvers konar úrræðum á vegum Vinnumálastofnunar, auk þess sem mikill fjöldi fer í ráðgjafarviðtöl, á kynningarfundi og í vinnumiðlun.

Fjölgun atvinnulausra í lok febrúarmánaðar frá lokum janúar nam 185 en 82 fleiri karlar voru á skrá og 103 fleiri konur m.v. janúarlok. Á landsbyggðinni fækkar um 9 en fjölgar um 194 á höfuðborgarsvæðinu.

Fjöldi þeirra sem hafa verið atvinnulausir lengur en 6 mánuði er nú 7.662 og fjölgar um 457 frá lokum janúar og er um 52% þeirra sem eru á atvinnuleysisskrá í lok febrúar. Þeim sem verið hafa atvinnulausir í meira en eitt ár fjölgar úr 4.794 í lok janúar í 4.820 í lok febrúar.

Alls voru 2.722 á aldrinum 16‐24 ára atvinnulausir í lok febrúar en 2.670 í lok janúa eða um 18% allra atvinnulausra í febrúar og fjölgar um 52 frá því í janúar. Í febrúar 2010 var fjöldi atvinnulausra ungmenna 3.104.(visir.is)

Það er alvarlegur glæpur,sem kortafyrirtækin,Visa og Eurocard,hafa framið.Þau skiptu markaðnum á milli sín í þeim tilgangi að halda nýjum aðila utan markaðar. Þannig átti að hlunnfara neytendur.Síðan er það einnig alvarlegt mál,að þessum alvarlegu afbrotum skuli vera leynt fyrir almenningi,fyrir neytendum.Það eru mörg ár síðan glæpurinn var framinn en fyrst nú er verið að upplýsa um hann.