Bragðdaufar eldhúsdagsumræður

Eldhúsdagsumræður fóru fram á alþingi í gærkveldi. Fátt kom á óvart nema helst það,að Jóhanna Sigurðardóttir,forsætisráðherra talaði ekki en í hennar stað talaði Þórunn Sveinbjarnardóttir formaður þingflokks Samfylkingarinnar.Flutti Þórunn sennilega bestu ræðu kvöldsins. Hún var málefnaleg og hógvær en  tók ekki þátt í skítkasti stjórnarandstöðunnar.Hún ræddi m.a. um ESB og taldi að með aðild Íslands að sambandinu fælust mikil sóknarfæri fyrir þjóðina.Formenn Sjálfstæðisflokks og Framsóknar voru í gamla skítkastinu,töldu,að ríkisstjórnin hefði ekkert gagn gert og ætti að fara frá.Þetta er orðið eins og slitin plata. Steingrímur J.Sigfússon fjármálaráðherra flutti ágæta ræðu en var harðorður í garð stjórnarandstöðunnar. Hann sagði margt jákvætt nú að gerast í íslensku efnahagslífi og ástæðu til þess að vera bjartsýnn.

 

Björgvin Guðmundsson