Atvinnuleysi 7,4% í mai

Skráð atvinnuleysi í maí 2011 var 7,4%, en að meðaltali voru 12.553 manns atvinnulausir í maí og fækkaði atvinnulausum um 709 að meðaltali frá apríl eða um 0,7 prósentustig. Þetta kemur fram á vef Vinnumálastofnunnar.

Körlum á atvinnuleysisskrá fækkaði um 642 að meðaltali en konum um 67. Atvinnulausum fækkaði um 296 á höfuðborgarsvæðinu og um 413 á landsbyggðinni. Atvinnuleysið var 8,2% á höfuðborgarsvæðinu en 6,1% á landsbyggðinni.

Mest var það á Suðurnesjum 12,1%, en minnst á Norðurlandi vestra 3,2%. Atvinnuleysið var 7,7% meðal karla og 7,1% meðal kvenna.(visir.is)

Það er ánægjulegt,að atvinnuleysið skuli vera að minnka.Það minnkaði um 0,7% frá apríl.En atvinnuleysið er samt enn alltof mikið. Það verður að ná því mikið meira niður.

 

Björgvin Guðmundsson