Stýrivextir óbreyttir

Nýjustu hagtölur staðfesta efnahagsbata hérlendis þrátt fyrir samdrátt í heiminum segir seðlabankastjóri. Vextir bankans verða óbreyttir. Stýrivextir eru því áfram 4,75% og innlánsvextir, 3,75%

Síðasta vaxtaákvörðun var 2. nóv. Þá ákvað Seðalbankinn að hækka vexti um 0,25 prósentustig.

Í yfirlýsingu peningastefnunefndar segir að nýjustu hagtölur séu í meginatriðum í takt við síðustu spá Seðlabankans. Efnahagsbatinn hafi haldið áfram, þrátt fyrir að dregið hafi úr hagvexti í heiminum og vaxandi óvissu. Verðbólga sé enn fyrir ofan verðbólgumarkmið Seðlabankans en nýleg þróun bendi til þess að því verði náð á næstu misserum.

Veruleg óvissa ríki um þann ferli nafnvaxta sem þurfi til að ná verðbólgumarkmiði. Núverandi vaxta stig virðist um það bil við hæfi á komandi mánuðum. Már Guðmundsson seðlabankastjóri sagði á kynningarfundi í bankanum í morgun að nýjustu hagtölur og tölur Hagstofunnar sem birtust í morgun um aukningu í landsframleiðslu staðfestur rækilega efnahagsbata þann sem bankinn hefði gert ráð fyrir í nýjustu efnahagsspá sinni. Þrátt fyrir verulegan samdrátt í opinberri fjárfestingur sé verulegur upptaktur í atvinnufjárfestingu og í húsnæði. Aukningin gæti verið allt að þrettán prósentum. (ruv.is)

 

Björgvin Guðmundsson