Einkavæðing bankanna og Icesave rannsakað

Jóhanna Sigurðardóttir forsætisráðherra telur sjálfsagt að rannsaka Icesave málið og endurreisn bankanna. Það var Bjarni Benediktsson formaður Sjálfstæðisflokksins sem spurði forsætisráðherra um málið á Alþingi fyrir stundu.

Jóhanna sagðist sömuleiðis fagna því að einkavæðing Búnaðarbankans og Landsbankans yrði rannsökuð. Núverandi stjórnvöld standi fyrir gegnsærri og opinni stjórnsýslu og þessar rannsóknir séu í þeim anda.(ruv.is)

Rannsóknarskýrsla alþingis tók ekki til einkavæðingar bankanna. Er það í rauninni undarlegt,þar eð upphaf hrunsins má rekja til einkavæðingarinnar.Bankarnir voru afhentir einkavinum stjórnarflokkanna,sem þá voru við völd.Þeir sem tóku við bönkunum kunnu ekkert til bankareksturs.En þeir breyttu bönkunum í braskstofnanir sem tóku gegndarlaus erlend lán og keyptu fyrirtæki og þar á meðal erlenda banka.Ef bankarnir hefðu verið áfram í eigu ríkisins hefðu þeir ekki farið út á þessa háskalegu braut og þá hefði ekkert hrun orðið hér.

Björgvin Guðmundsson

 

 

Til baka