Framsókn:Bankarnir (eigendur) eiga að borga

Framsóknarflokkurinn er nú með patentlausn á því að lækka skuldir heimilanna: Flokkurinn ætlar að láta einkabankana borga,þ.e. hluthafana,kröfuhafana,sem yfirtóku bankana svo og eigendur þrotabúanna.Hvernig mun það ganga? Munu eigendur bankanna með glöðu geði taka að sér að greiða eitthvað af skuldum heimilanna? Varla.Einkaaðilar,eigendur fjármagns eru ekki vanir að hlaupa upp til handa og fóta og borga eitthvað,sem þeir telja sig ekki eiga að borga.Ég held,að þeir muni ekkert borga af skuldum heimilanna. Það er ábyrgðarhluti  að skapa falskar vonir hjá skuldurum um að einhverjir muni borga sem ekki munu borga. Eina leiðin til þess að ná peningum af eigendum bankanna  og þrotabúanna er með skattlagningu.Þegar þeir selja hluti sína og vilja yfirfæra andvirðið til útlanda er unnt að skattleggja yfirfærsluna  svo og að  halda ákveðnum peningum í landinu vegna haftanna. En skuldarar komast ekki svo glatt í þessa peninga. Það er illa gert að skapa falsvonir hjá þeim.

 

Björgvin Guðmundsson