Sjóðfélagar í lífeyrissjóðum kjósi sjálfir í beinni kosningu stjórn sjóðanna

Á fundi Lífeyrissjóðs ríkisstarfsmanna (LSR) í dag bar ég fram eftirfarandi fyrirspurn:

Í úttektarskýrslu um lífeyrissjóðina segir, að óeðlilegt virðist, að eigendur lífeyrissjóðanna (sjóðfélagar) eigi almennt ekki fulltrúa í stjórnum sjóðanna og hafi enga aðkomu að því hverjir sitji þar.Úttektarnefndin leggur til, að lífeyrissjóðir á almennum markaði og opinberum móti sér þá stefnu,að einn eða fleiri stjórnarmenn séu kosnir beinni kosningu á ársfundi lífeyrissjóðsins. Ég er sammála þessu.Hvað líður framkvæmd á þessu atriði?

Í svari við fyrirspurninni kom fram,að stjórnin væri ekki sammála skoðun úttektarnefndarinnar eða minni skoðun á málinu.Stjórnin telur rétt að hafa óbreytt fyrirkomulag varðandi kosningu stjórnar.Ég tók til máls á fundinum og sagði,að ég teldi rétt,að sem flestir fulltrúar stjórnar væru kosnir beinni kosningu af sjóðfélögum og raunar teldi ég,að svo ætti að vera í öllum lífeyrissjóðum enda uppfylli fulltrúarnir hæfniskröfur. 

Ég tel það óeðlilegt,að   sjóðfélagar, eigendur lífeyrissjóðanna, kjósi ekki beinni kosningu flesta eða alla stjórnarmenn lífeyrissjóðanna.Þeir,sem  eiga lífeyrinn í lífeyrissjóðunum,eiga að fjalla um það hvernig hann er ávaxtaður  og hvernig með hann er farið.Í dag eru það samtök launamanna,sem velja fulltrúa sjóðfélaga en launagreiðendur velja einnig  stjórnarmenn.Í LSR velur ráðherra stjórnarmenn sjóðsins á móti samtökum ríkisstarfsmanna. Þessu  þarf að breyta,m.a. með  breytingu á lögum.

Björgvin Guðmundsson