60 ára afmæli Þorvaldar

 Elsti sonur minn,Þorvaldur, er sextugur í dag.Hann hélt upp á afmælið í gær með mikilli veislu hjá Hilmari bróður sínum og Sjöfn,konu hans á Selfossi.Þar var mikil veisla og góð stemmning enda mikið sungið undir stjórn Guðmundar sonar míns en hann lék einnig undir á gítar.Mæting var góð.Aðeins einn af sonum okkar var forfallaður, Þórir  en hinir 5 voru mættir.Einnig mættu mörg barnabarna okkar ásamt mökum. Tengdadætur okkar og barnabörn bökuðu tertur og bjuggu til brauðrétti.Voru veitingar sérlega ljúffengar.Þessir hjálpuðu Þorvaldi með veitingarnar: Elín,tengdadóttir okkar,Sjöfn,tengdadóttir og Dröfn dóttir hennar ,Hilmar  og  Guðmundur,synir okkar og Sandra Rún og Lena Björg,dætur Elínar og Rúnars.Björgvin, sonur okkar, var í veislunni en hann er búsettur í Finnlandi.Guðný,systir Dagrúnar, er flutt á Selfoss ásamt Þórdóri manni sínum.Þau voru boðin í veisluna. 

                                

Þorvaldur tekur við gjöf frá bræðrum sínum og eiginkonum þeirra.

 

                                

 Hilmar tekur mynd af afmælisbarninu við veisluborðið.

  

                                  

  Hér er ég ásamt eiginkonu minni Dagrúnu og systur hennar Guðnýju og Rúnari syni okkar Dagrúnar .

 

                                

Afmælishetjan ásamt Söndru Rún Rúnarsdóttur og Lenu Björgu Rúnarsdóttur.

 

 

 

Björgvin Guðmundsson