Látum Landspítalann fá 2-3 milljarða til viðbótar

Það liggur við,að það ríki neyðarástand á Landspítalanum.Tækin á spítalanum eru mörg hver í slæmu ásigkomulagi.Fyrir nokkrum dögum voru bæði sneiðmyndatæki spítalans biluð.Við þær aðstæður varð að leita út fyrir spítalann til þess að komast í sneiðmyndatæki.Slíkt er óviðunandi.Álagið á spítalanum er gifurlegt.Spítalinn er undirmannaður.Og launakjörin eru svo slæm,að mikil óánægja ríkir með þau og erfitt er að fá nýja lækna  til starfa.

Stjórnarflokkarnir lofuðu því í kosningabaráttunni,að  þeir mundu auka fjárveitingar til spítalans verulega,kæmust þeir til valda.Við þetta loforð  hefur ekki verið staðið.Fjárveiting til spítalans stendur í stað og tæplega það.þar eð strikuð er út fjárveiting til tækjakaupa upp á 600 millj. kr. Svo virðist,sem þessi upphæð hafi verið strikuð út svo fjármálaráðherrann gæti sagt,að fjárögin væru hallalaus.Allir virðast sammála um að þessi upphæð til tækjakaupa verði að fara inn aftur og helst hærri upphæð en um leið og það hefur verið gert er kominn halli á fjárlögin.En það er ekki nóg að bæta 600 millj. við.Landspítalinn þarf a.m.k 2-3 milljarða strax.Spítalinn verður að hafa  algeran forgang.

 

Björgvin Guðmundsson