Efst á baugi: Söngur í KFUM og MR

Það vakti talsverða athygli,þegar í viðtalsþætti við mig á dögunum á rás 1 í RUV ( Morgunglugganum) var leikið lag,sem ég söng inn á plötu,þegar ég var 13 ára, fyrir 68 árum.Þetta lag hafði aldrei verið leikið opinberlega áður.Lagið var tekið upp af Árna heitnum Sigurjónssyni,sem var einn af forustumönnum KFUM.En söngur hefur alltaf verið ríkur þáttur í starfi KFUM og hafði ég mikla ánægju af söngstarfi samtakanna,þegar ég tók þátt í starfinu þar.Frá þessu er greint í bók minni "Efst á baugi" ,æviminningum".

Einnig er sagt frá því í bókinni,að þegar Hjörtur J.Halldórsson,sem kenndi söng í Menntaskólanum í Reykjavík,hafði heyrt mig syngja í söngtíma,sagði hann:" Yður er í dag frelsari fæddur.Björgvin er mikill tenór".Vegna þessara ummæla og  ummæla Árna Sigurjónssonar hefi ég oft hugsað um það, að  ef til vill hefði ég átt að leggja stund á söngnám.En slíkt nám er mjög dýrt og engin efni voru til þess að fara í það nám.

 

Björgvin Guðmundsson