Efst á baugi í KFUM

Í gærkveldi las ég upp úr bók minni Efst á baugi á AD fundi í KFUM.Þetta var hátíðlegur fundur með kvöldverði.Ég las m.a. frásögn af því, þegar ég sem ungur drengur sótti fundi í KFUM,yngstu deild.Þar kynntist ég m.a. Árna Sigurjónssyni en hann var einn af forustumönnum samtakanna. Árni fékk mig til þess að syngja inn á plötu nokkur KFUM lög.Tók hann lögin upp á plötu heima hjá sér en hann átti útbúnað til þess.Tókst það þokkalega og platan hefur varðveist fram á Þennan dag. Ég var 13 ára, þegar ég söng inn á plötuna,þannig að það eru 68 ár liðin frá því þessi upptaka átti sér stað.Skýrt er nákvæmlega frá þessu í bókinni. Gerður var góður rómur að upplestrinum.Annar veislustjórinn í gærkveldi var Sigurður Grétar Sigurðsson prestur í Útskálasókn en undir hana heyrir Hvalsneskirkja.Ég sat við hlið Sigurðar Grétars á fundinum og skýrði honum frá því að ég hefði verið í sveit sem lítill drengur á Hvalsnesi hjá afa mínum og ömmu, Jóni Björnssyni og Guðrúnu Gottskálksdóttur.Presturinn spurði hvort það hefði ekki verið gott  að vera þar og ég svaraði því játandi nema ég hefði dottið í hlandfor á staðnum og verið hætt kominn.Skýrt er frá þessu í bókinni.Ég var að hugleiða, hvort ég ætti að lesa þá frásögn upp á fundinum í gærkveldi en ákvað að gera það ekki, þar eð um matarveislu var að ræða samhliða fundi.En það er frásögn af dvöl minni á Hvalsnesi í bókinni Efst á baugi og þar á meðal sagt frá því,þegar ég datt í landforina.-Guðmundur sonur minn var með  mér á fundinum í gærkveldi.

 

Björgvin Guðmundsson