Láglaunafólk verður að fá eðlilegar kauphækkanir

 

Hugmyndir eru um það, innan fjármálaráðuneytisins, að þeir sem eru með viðbótarlífeyrissparnað geti, í stað þess að greiða í séreignarsjóð, látið iðgjöldin fara skattfrjálst í að greiða niður íbúðalán, eins og fram kom í fréttum Sjónvarps í gær. Búið er að kynna lífeyrissjóðunum þessar hugmyndir. Guðlaugur Þór Þórðarson Sjálfstæðisflokki segir ótal kosti við þessa leið.

Hann telur þessa leið geta orðið til þess að draga úr launahækkunum í kjarasamningum með því að samið verði um hærra mótframlag í staðinn.

Hægri menn leita nú allra leiða til þess að koma í veg fyrir,að kaup láglaunafólks hækki upp fyrir fátæktramörk.Hér virðast þeir hafa fundið eina. Gallinn við þessa leið er sá,að hún gagnast ekki þeim lægst launuðu.Þeir,sem hafa lægstu launin, hafa ekki getað lagt neitt í séreignasparnað. Þeir hafa átt fullt í fangi með að hafa í sig og á af þeim lágu launum,sem þeim eru skömmtuð ( lágmarkslaun í kringum 200 þús. á mánuði).Þó ríkisstjórnin ákveði að iðgjöld í viðbótarlífeyrissparnað geti farið skattfrjálst í niðurgreiðslu íbúðalána gagnast það ekki láglaunafólki,þar eð það fólk á engan séreignalífeyrissparnað.Og hið sama gildir raunar um skattaleið Sjálfstæðisflokksins.Skattalækkun,sem gangi til greiðslu inn á íbúðarlána gagnast ekki lágtekjufólki,þar eð það er ekki með neina skatta eða sáralitla skatta. Þessi leið gagnast hins vegar vel hátekjufólki.Hægri menn sjá um sína. 

Ekki kemur til greina að  falla frá kauphækkunum láglaunafólks út af skattabrellum,sem eru í undirbúningi.Láglaunafólk verður að fá mannsæmandi laun og kaupið að hækka í því skyni.

 

Björgvin Guðmundsson

„