"Eignaupptaka" lífeyris verði stöðvuð strax

Kjaranefnd Félags eldri borgara í Reykjavík  samþykkti í gær að stöðva yrði þegar í stað skerðingu lífeyris eldri borgara hjá almannatryggingum vegna greiðslna úr lífeyrissjóðum.Þessi skerðing er eins og eignaupptaka,þar eð vegna hennar hverfur allur ávinningur margra ellilífeyrisþega af lífeyrisssparnaði á langri starfsævi.Sem  dæmi má nefna,að eftirlaunamaður,sem hefur 70 þús. kr. á mánuði úr lífeyrissjóði   sætir 70 þús. kr. skerðingu hjá Tryggingastofnun.Hann er því ekkert betur settur en sá,sem aldrei hefur greitt  í lífeyrissjóð.Þetta ranglæti verður að stöðva þegar í stað.Lífeyrisþegar verða að halda þeim lífeyri,sem þeir eiga rétt á úr lífeyrissjóði. Tryggingastofnun ríkisins á ekki að hafa rétt til þess að  skerða lífeyri almannatrygginga um eina krónu vegna lífeyris ellilífeyrisþega frá lífeyrissjóði.Skerðing á lífeyri er ekkert annað en eignaupptaka.-Hið sama gildir um atvinnutekjur ellilífeyrisþega.Ekki á að skerða lífeyri almannatrygginga vegna þeirra. Kjaranefnd FEB  samþykkti í gær að stöðva yrði strax skerðingu lífeyris almannatrygginga vegna atvinnutekna eldri borgara.Það á ekki að refsta öldruðum fyrir að vinna.

Björgvin Guðmundsson