Sjálfstæðisflokkurinn lætur Framsókn teyma sig!

Gunnar Bragi Sveinsson utanríkisráðherra Framsóknar lagði fram á alþingi  í gær þingsályktunartillögu um, að aðildarumsókn Íslands að ESB yrði dregin til baka.Hann  hefur verið á þessari skoðun allan þann tíma,sem hann hefur verið í embætti.En menn trúðu því ekki,,að Sjálfstæðisflokkurinn mundi samþykkja þetta miðað við yfirlýsingar formanns flokksins,Bjarna Ben. í kosningabaráttunni.Hann lýsti því yfir í kosningabaráttunni, að það yrði lagt í þjóðaratkvæðagreiðslu hvort hætta ætti samningaviðræðum við ESB eða halda þeim áfram.Nú hefur þingflokkur Sjálfstæðisflokksins samþykkt að slíta viðræðunum.Þorsteinn Pálsson fyrrverandi formaður Sjálfstæðisflokksins og forsætisráðherra sagði í viðtali við sjónvarpið í gær,að það væru hrein svik hjá Sjálfstæðisflokknum að slíta samningaviðræðum við ESB án þjóðaratkvæðagreiðslu miðað við yfirlýsingar formanns flokksins í kosningabaráttunni.Eru Evrópusinnar í Sjálfstæðisflokknum alveg æfir yfir svikum flokksforustunnar.

Það,sem hefur gerst hér er,að Sjálfstæðisflokkuriunn hefur látið Framsókn teyma sig í þessu máli.Raunar virðist svo sem Framsókn ráði einnig ferðinni í  seðlabankamálinu og vilji setja tvo pólitíska bankastjóra inn i seðlabankann til höfuðs Má Guðmundssyni.Þar með væri sjálfstæði seðlabankans afnumið.

Sjálfstæðiflokkininn hefur alltaf áður verið alþjóðasinnaður,studdi aðildina að NATO,EFTA,  EES og OEEC.Ef flokkurinn tekur nú upp einangrunarstefnu með Framsókn er það alger stefnubreyting hjá flokknum.Helstu viðskiptaþjóðir Íslands eru innan ESB.Við njótum þar tollfríðinda fyrir okkar sjávarafurðir gegnum EES samninginn.Við tökum þátt í margvíslegu öðru samnstarfi við ESB gegnum EES samningunn.Sá samnningur hangir á bláþræði og er í hættu,ef Ísland slítur viðræðum við ESB.Ef Ísland fengi viðunandi samning við ESB og gengi í sambandið mundu vextir stórlækka hér á landi og verðbólgan lækka.Vöruverð mundi lækka.Þetta væru beinar kjarabætur fyrir almenning í landinu.Við erum með ónýta krónu.Við verður að taka upp annan gjaldmiðil.Beinast liggur við að taka upp evru en aðrir gjaldmiðlar koma til greina.Núverandi kynslóð og núverandi stjórn hefur ekki leyfi til þess að dæma afkomendur okkar til einangrunar og kjaraskerðingar eins og Framsókn er nú að teyma Sjálfstæðisflokkinn út í að gera.

 

Björgvin Guðmundsson