ESB: Ríkisstjórnin hlustar ekki á þjóðina

Sigmundur Davíð forsætisráðherra var í kastljósi í gærkveldi um ESB. Það kom skýrt fram í máli hans,að ríkisstjórnin ætlar ekkert að hlusta á þjóðina þó 82% vilji fá þjóðaratkvæðagreiðslu um aðildarviðræðurnar og 45 þús. hafi skrifað undir áskorun á þingið um að draga umsóknina ekki til baka.Sigmundur Davíð og Bjarni Ben. hafa gleymt því að þeir lofuðu þjóðinni því í kosningabaráttunni,að aðildarviðræðurnar yrðu lagðar fyrir þjóðaratkvæðagreiðslu.Nú reyndi Sigmundur að kenna ESB um og sagði að ESB  villdi fá svar strax. Árni Páll Árnason formaður Samfylkingarinnar segir,að þetta sé rangt.Það er að sjálfsögðu unnt að leggja umsóknina á ís í ákveðinn tíma. Ísland getur einfaldlega sagt við ESB að það eigi að greiða atkvæði um viðræðurnar eftir ákveðinn tíma og viðræður bíði á meðan.Svo einfalt er það.

 

Björgvin Guðmundsson