Er verið að flæma Má í burtu?

Ríkisstjórn  Jóhönnu Sigurðardóttur beitti sér fyrir því, að 3 bankastjórar Seðlabankans voru látnir hætta og einn ráðinn í þeirra stað,Már Guðmundsson,hagfræðingur.Það var fagnefnd undir forustu Jónasar Harals,hagfræðings,sem komst að þeirri niðurstöðu,að Már væri hæfastur umsækjenda,sem sóttu um.Jafnframt var ákveðið,að sérstök peningastefnunefnd mundi ákveða stýrivexti Seðlabankans.Már hefur aðeins 1 atkvæði í þeirri nefnd.Sjálfstæðisflokkurinn var ekki sáttur við þessar breytingar.Einkum mislíkaði flokknum,að Davíð Oddsson,sem var einn bankastjóranna,skyldi látinn hætta.

Í framangreindu ljósi þarf að skoða stanslausar árásir á Má Guðmundsson seðlabankastjóra. Það er ljóst,að það er verið að reyna að flæma hann í burtu úr bankanum.Ég sé ekkert athugavert við það,að Seðlabankinn skyldi greiða kostnað við málaferli Más.Upplýst hefur verið,að formaður bankaráðsins,Lára V.Júlíusdóttir,samþykkti,að bankinn skyldu greiða málskostnað. Öll þessi umfjöllun um málið,einkum í Morgunblaðinu,er með ólíkindum.Það er engu líkara en hér sé stórmál á ferðinni.En svo er ekki.Þetta er aðeins stormur í vatnsglasi.

 

Björgvin Guðmundsson