Lífeyrir aldraðra frá TR hækki um 134 þús. kr.á mánuði

Kjaranefnd Félags eldri borgara í Reykjavík samþykkti á fundi sínum í gær,að lífeyrir aldraðra frá almannatryggungum ætti að hækka um  134 þús. kr. á mánuði til samræmis við neyslukönnun Hagstofunnar.Skal sú hækkun koma til framkvæmda í þremur áföngum, tæplega 45 þús.kr. hækkun í hverjum áfanga.Hér er átt við einhleypa eldri borgara,sem aðeins hafa tekjur frá almannatryggingum.Aðrir mundu hækka hlutfallslega.Hækkun þessi mundi einnig taka til öryrkja.

Ályktun kjaranefndar FEB er svohljóðandi:                                                                                                                                                                                                                                                   

 

Kjaranefnd Félags eldri borgara í Reykjavík og nágrenni telur, að við ákvörðun um lífeyri aldraðra frá almannatryggingum eigi að miða við neyslukönnun Hagstofunnar.Samkvæmt henni eru meðaltalsútgjöld einhleypinga til neyslu 321 þús. kr. á mánuði.Engir skattar eru innifaldir í þeirri tölu.Lífeyrir einhleypra eldri borgara frá almannatryggingum er 187 þús. kr.á mánuði eftir skatt, hjá þeim,sem hafa einungis tekjur frá TR.Mismunurinn er 134 þús. kr. á mánuði.Kjaranefndin telur,að jafna eigi þennan mun í þremur áföngum, á þremur árum, þannig að lífeyrir hækki um tæplegs 45 þús. kr. á mánuði í hverjum áfanga.Fyrsti áfangi gæti komið til framkvæmda um næstu áramót.Kjaranefndin skorar á félagsmálaráðherra að beita sér fyrir því í tengslum við afgreiðslu fjárlaga fyrir árið 2015, að þessi fyrsta leiðrétting á lífeyri aldraðra ( hækkun um 45 þús.kr á mánuði)  komi til framkvæmda um næstu áramót.

 

Í ályktun kjaranefndar er fjallað um sambærilegar tölur.Neyskukönnunin tekur til neysluútgjalda án skatta og lífeyrir TR er tilgreindur eftir skatt.

 

Björgvin Guðmundsson