Hættu við að hlaupa 1.apríl!

Sigmundur og Bjarni ætluðu að fylgja úr hlaði frumvarpi um skuldaleiðréttingu á alþingi í dag.En tilkynnt var á alþingi,að þeir félagar væru hættir við að mæla fyrir frumvarpinu í dag.Engin skýring var gefin á því en helst eru menn að giska á,að þeir Sigmundur og Bjarni hafi ekki viljað hlaupa 1.apríl í dag!Stjórnarandstaðan var mjög hissa á því að fallið skyldi vera frá því að fylgja frumvarpinu úr hlaði í dag,þar eð tíminn er orðinn mjög knappur, sem er til stefnu.Það er alveg á mörkunum, að það muni takast að afgreiða frumvarpið um skuldaleiðréttingu áður en þingið fer í frí vegna sveitarstjórnarkosninga.

Það hefur nú skýrst nokkuð hvað um er að ræða í væntanlegu frumvarpi.Það er aðeins um að ræða  20 milljarða skuldaleiðréttingu á  ári í 4 ár.Þetta er mikið minna en það sem ríkisstjórn Jóhönnu gerði í skuldamálum heimilanna.Aðeins 110 % leiðin var svipuð að umfangi og það,sem Sigmundur Davíð er að gera.Og auknar vaxtabætur Jóhönnu voru svipaðar að umfangi og heimsmet Sigmundar.Þá er ótalið það, sem umboðsmaður skuldara gerði í skuldamálum heimilanna  í stjórnartíð Jóhönnu. Þegar allt er lagt saman, sem ríkisstjórn Jóhönnu gerði í skuldamálum heimilanna, kemur í ljós,að það var mikið meira en það sem þeir Sigmundur og Bjarni eru að gera. En það er einn stór munur á: Það er mikill lúðrablástur og áróður í kringum það lítilræði,sem Sigmundur Davíð er að gera. En ríkisstjórn Jóhönnu vann að mestu í kyrrþei að skuldalækkun heimilanna.Jóhanna hefði mátt segja meira frá þeim málum en gert var.En sá mikli áróður,sem ríkisstjórn Sigmundar Davíðs  hefur í frammi  um litla skuldalækkun er óeðlilegur.

 

Björgvin Guðmundsson