Getum fengið viðunandi samning um sjávarútvegsmál

Skýrsla alþjóðastofnunar háskólans um aðildarviðræður Íslands við ESB var kynnt í gær.Það voru aðilar vinnumarkaðarins,sem báðu um skýrsluna.Í skýrslunni kemur fram,að Ísland gæti fengið viðunandi samning um sjávárútvegsmál,ef viðræðum væri haldið áfram og þeim lokið.Talið er líklegt,að Ísland yrði samþykkt,sem sérstakt sjálfstjórnarsvæði í sjávarútvegsmálum af ESB,þar eð Ísland á ekki landamæri að neinu ESB ríki og Ísland hefur eitt landa veiðireynslu við Ísland.Einnig er talið hugsanlegt að ESB mundi heimila Íslandi að ákveða veiðikvóta sína.

 Það,sem vekur einnig mikla athygli  í skýrslunni er, að talið er að það tæki ekki nema 2-3 ár að fá aðild að Myntbandalagi Evrópu   og að taka upp evru.En ef Íslendingar tækju upp evru yrði það til mikilla hagsbóta fyrir landsmenn.Vextir mundu lækka mikið og verða í samræmi við vexti hjá ESB.Íbúðakostnaður mundi stórlækka við það. Það yrði einnig auðveldara fyrir okkur að afnema höftin, ef við héldum aðildarviðræðum áfram og stefndum að aðild að ESB.Við aðild að ESB og upptöku evru mundi matarverð einnig lækka hér.Það kemur glögglega fram í skýrslunni,að eðlilegt væri að ljúka aðildarviðræðunum við ESB.Skýrslan segir,að samningaviðræður hafi gengið vel á meðan þær voru í gangi og margir kafla verið afgreiddir. En ekki fæst endanleg niðurstaða í sjávarútvegsmálin nema viðræðum verði lokið.Skýrsla alþjóðastofnunar gefur góða von um farsæla niðurstöðu í viðræðum um þann málaflokk.

 

 Björgvin Guðmundsson