Páskar í nánd

Páskahátíðin er á næsta leiti.Skírdagur er á morgun og páskadagur n.k. sunnudag.Páskar eru ein stærsta hátíð kristinna manna.Í hugum margra eru jólin stærsta hátíðin,þegar kristnir menn fagna fæðingu Jesú Krists.En margir kristnir menn líta svo á, að páskar séu jafnstór hátíð, þegar þess er minnst, að kristur var krossfestur og að hann reis upp frá dauðum. Páskar eru ekki síður en jólin mikil fjölskylduhátíð þó á annan hátt sé.Um páskana slaka fjölskyldur á.Svartasta skammdegið er þá liðið og erfiði vetrarins að baki.Vorið er framundan.Margar fjölskyldur nota  páskana til útivistar,skíðaferða eða annarra ferðalaga.Það eru margir frídagar um páskana en þó misjafnlega margir eftir stéttum.Skólarnir fóru í frí strax sl. mánudag.Hið sama er að segja um þingmennina.Þeir fylgja skólakrökkunum.Skólakrakkarnir og kennararnir koma endurnærðir til starfa á  ný eftir páska.Vonandi verður það eins með þingmennina.

 

Björgvin Guðmundsson