Gerði Hanna Birna eitthvað af sér?

Umboðsmaður alþingis hefur nú lokið  við að semja álit um samskipti fyrrverandi innanríkisráðherra og fyrrum lögreglustjóra í Reykjavík,Stefáns Eiríkssonar.Mig undrar,að umboðsmaður skyldi að eigin frumkvæði  leggja í þessa vinnu, þar eð lekamálið var í eðlilegu ferli undir stjórn ríkissaksóknara og það var til lykta leitt með ákæru á hendur aðstoðarmanni innanríkisráðherra.Aðstoðarmaðurinn var dæmdur sekur um lekann og hann játaði.Þegar svo var komið hefði umboðsmaður alþingis átt að hætta athugun sinni og láta hana niður falla.

Ég fæ ekki séð við lestur á álitsgerð umboðsmanns og gögnum málsins,að Hanna Birna hafi sem innanríkisráðherra brotið af sér í samskiptum við lögreglustjórann í Reykjavík.Hún segir sjálf,að hún  hafi gert mistök með þessum samskiptum.Það kann að vera.Og það er gert mikið úr því að hún hafi þarna gert játningu.Það voru líka margar játningar í Geirfinnsmálinu en flestir,sem játuðu þar, reyndust saklausir. Það,sem fyrst og fremst var að í Lekamálinu og  í samskiptamáli Hönnu Birnu og Stefáns var það,að Hanna Birna skyldi ekki stíga til hliðar sem dómsmálaráðherra,þegar málið kom upp.Þar er ekki aðeins við Hönnu Birnu að sakast heldur einnig við forsætisráðherra og jafnvel fjármálaráðherra.

Ríkissaksóknari stjórnaði rannsókn lekamálsins.Hann fékk aðstoðarlögreglustjórann í Reykjavík til þess að annast rannsóknina.Stefán Eiríksson lögreglustjóri hafði því ekki rannsóknina með höndum.Þegar Hanna Birna ræddi við Stefán Eiríksson var hún því fyrst og fremst að ræða við hann um málefni lögreglustjóraembættisins en auðvitað bar Lekamálið á góma.En Hanna Birna var ekki að ræða við stjórnanda rannsóknarinnar.Samtölin við Stefán um lekamálið skiptu því litlu máli enda sagði ríkisssaksóknari, þegar Stefán skýrði honum frá samtölunum við ráðherra,að þau hefðu engin áhrif.Um- boðsmaður alþingis  reyndist hins vegar á öðru máli. En hafa ber í huga,að það sem hann skrifar um málið er aðeins álit en enginn dómur. Og reglur um samskipti ráðherra og lögreglustjóra eru óskýrar.

Það má áreiðanlega víða finna að samskiptum ráðherra og forsstöðumanna undirstofnana þeirra.Og ráðherrar fara iðulega fram úr fjárheimildum  og ráðstafa jafnvel fjármunum án heimildar og fara framhjá þinginu.Væntanlega tekur umboðsmaður slík mál til athugunar að eigin frumkvæði.Hann hefur markað stefnuna.

 

Björgvin Guðmundsson