Skattleysismörkin verði hækkuð-virðisaukaskattur af lyfjum felldur niður!

 

 

 

Þing Sambands lífeyrisþega ríkis og bæja var haldið í dag. Elín Brimdís Einarsdóttir var endurkosin formaður sambandsins.Björgvin Guðmundsson formaður kjaranefndar FEB flutti ræðu á þinginu um kjaramál aldraðra.Ræðan fer hér á eftir:  

 

 Hver eru baráttumál eldri borgara í dag? Hvaða mál leggja aldraðir mesta áherslu á? Nr. 1 er , að lífeyrir      eldri  borgara frá almannatryggingum dugi til framfærslu? Hann gerir það ekki í dag, ekki  hjá þeim, sem aðeins hafa tekjur frá TR. Einhleypur eldri borgari, sem aðeins hefur lífeyri frá Tryggingastofnun, fær ekki nema 192 þúsund krónur á mánuðu eftir skatt. Og þó hann hafi 50-70 þúsund á mánuði úr lífeyrissjóði er hann lítið betur settur, þar eð Tryggingastofnun skerðir þá tryggingabætur hans svo mikið.

 

Geta ekki tekið eðlilegan þátt í samfélaginu

 

 Það lifir enginn mannsæmandi lífi af 192 þúsund krónum á mánuði. Af þessari upphæð þarf að greiða húsnæðiskostnað,húsaleigu eða afborganir og vexti af  húsnæðislánum, ef um eignarhúsnæði er að ræða.Húsnæðiskostnaður getur verið 100-150 þúsund krónur á mánuði og þá er lítið eftir fyrir öllum öðrum nauðsynlegum útgjöldum, mat,rafmagni og hita,lyfjum,læknis kostnaði,samgöngum,síma,fötum o.fl.ofl. Það er ekki unnt að reka bíl á svo lágum lífeyri og erfitt að  kaupa og reka tölvu. Í stuttu máli sagt: Það er erfitt eða ókleift að taka eðlilegan þátt í samfélaginu,þegar tekjur eru svona litlar.Og sumir eldri borgarar, sem verst eru staddir, eiga ekki  fyrir mat síðustu daga mánaðarins.

 

Ályktanir til ráðherra lenda í körfunni

>

> Eldri borgarar senda stöðugt ályktanir til stjórnvalda og óska leiðréttingar á kjörum sínum  en þessar ályktanir lenda ofan í skúffu ráðamanna.Eldri borgarar  rekast  alls staðar á vegg. Þess vegna hefur kjaranefnd Félags eldri borgara í Rvk rætt nýjar leiðir í kjarabaráttunni. Eitt af því sem rætt hefur verið í því sambandi er hugsanleg málsókn gegn ríkinu. Í 76.gr stjórnarskrárinnar segir, að ríkið eigi að veita elllífeyrisþegum aðstoð, ef þarf.Þegar ástandið er eins slæmt og ég hefi lýst hér, er ljóst, að það þarf aðstoð.Á síðasta fundi kjaranefndar eldri borgara fengum við 2 lögfræðinga á fund til okkar til þess að ræða hvort grundvöllur væri  fyrir  því að fara í mál við ríkið. Það mál er nú  í athugun.

 

Verulegar kauphækkanir launþega- engar hjá lífeyrisþegum

>

> Á þessu ári hefur það gerst, að mjög mörg verkalýðsfélög hafa fengið verulegar kauphækkanir.Það var talið, að ekki væri unnt að framfleyta sér með góðu móti á þeim lágu launum,sem þeir lægst launuðu fengu.Sama gildir  að sjálfsögðu um lægsta lífeyri almannatrygginga. Flóabandalagið og Starfsgreinasambandið   Sömdu 1.mai sl um 14,5% hækkun lágmarkslauna á mánuði strax og hækkun lágmarkslauna í 300 þúsund kr á mánuði á næstu 3 árum.Landsfundur Landssambands eldri borgara og kjaranefnd Félags eldri borgara samþykktu, að lífeyrir eldri borgara frá TR ætti að hækka jafnmikið, þ.e  um 14,5% frá 1.mai á þessu ári og í 300 þúsund krònur á mánuði á 3 árum.

 

>Stjórnin samþykkir ekki réttláta og sanngjarna kröfu lifeyrisþega

>

> Ríkisstjórnin hefur ekki viljað fallast á þessa réttlátu og sanngjörnu kröfu eldri borgara.Stjórnin hefur ekki viljað samþykkja neina hækkun lífeyris aldraðra í kjölfara nýrra kjarasamninga á þessu ári. Í staðinn hefur ríkisstjórnin ákveðið, að lífeyrir aldraðra frá TR skuli hækka á næsta ári, ekki um 14,5% eins og hjá verkafólki, heldur um   9,4%.Þetta er óskiljanlegt.Þegar ríkisvaldið skerðir kjör lífeyrisþega hefur það verið gert á miðju ári. Eins ætti að vera mögulegt að hækka lífeyri aldraðra og öryrkja á miðju ári.Aukafjárveitingar, sem ríkisvaldið  vill samþykkja, eru ákveðnar á öllum tímum ársins.Ef vilji er fyrir  hendi,  skiptir tími ársins ekki máli.

 

Eldri borgarar vilja sömu hækkun og launþegar og efndir kosningaloforða

 

> Eldri borgarar sætta sig ekki við neitt annað  en nákvæmlega sömu hækkun og launþegar fengu 1.mai sl og frá sama tima.Aldraðir samþykkja engan afslátt þar frá. Þeir samþykkja enga málamiðlun.

>> Auk þess vilja eldri borgarar,að stjórnarflokkarnir standi við kosningaloforð sín frá árinu 2013 um leiðréttingu lífeyris vegna kjaragliðnunar á tímabilinu 2009-2013. Til þess að leiðrétta lífeyri aldraðra og öryrkja  vegna umrædds tímabils þarf að hækka lífeyri um rúmlega 20%. Kjaragliðnun hefur einnig verið mikil frá 2013 til dagsins í dag og að sjálfsögðu þarf að leiðrétt hana einnig.

 

Kjaraskerðing frá 2009 ekki afturkölluð að fullu

 

Ekki er  búið að afturkalla að fullu kjaraskerðinguna,sem lífeyrisþegar uðu fyrir 2009. T.d er eftir eð afturkalla skerðingu tryggingabóta vegna fjármagnstekna svo og skerðingu tryggingabóta vegna aldurstengdrar örorkuuppbótar.

 

Skattleysismörk verði hækkuð-vsk af lyfjum afnuminn

 

> Að sjálfsögðu eru baráttumál eldri borgara miklu fleiri enda þótt ég hafi hér einkum talað um lífeyrismál almannatrygginga.T.d telja eldri borgarar að afnema eigi skerðingu tryggingabóta vegna greiðslna úr lífeyrissjóði.Eldri borgarar líta à þá upphæð, sem þeir hafa greitt í lífeyrissjóð sem sína eign og sama gildir um mòtframlag atvinnurekenda. Lífeyrissjóðirnir áttu að vera viðbót við almannatryggingar en ekki að valda skerðingu lífeyris aldraðra frà almannatryggingum.

> Þá vilja aldraðir, að skattleysismörkin verði hækkuð verulega. Það yrði góð kjarabót fyrir eldri borgara.Þeir vilja,að virðisaukaskattur af lyfjum verði felldur niður og þannig mætti áfram telja.

> það eru næg baráttumál.

 

Viljum samvinnu við verkalýðshreyfinguna

 

> Við eldri borgarar viljum hafa sem mesta samvinnu við verkalýðshreyfinguna og ekki hvað síst við BSRB. Við viljum einnig hafa sem mests samvinnu við samtök eldri borgara  meðal  opinberra starfsmanna,SLRB.Eg hef trú á því að með samvinnu náist meiri árangur í kjaramálum lífeyrisþega.Samvinna er máttur.

>

> Björgvin Guðmundsson

>

>

>

>

>

>