Endurskoðun almannatrygginga lokið.Kerfið einfaldað. En batna kjörin?

Nefnd,sem skipuð var til þess að endurskoða almannatryggingar lauk störfum fyrir réttri viku.Nefndin leggur til,að kerfi almannatrygginga verði einfaldað.En stóra spurningin er þessi: Eru einhverjar kjarabætur í nefndarálitinu?

Það er gott og blessað að einfalda kerfið. En eins mikilvægt er og í raun mikilvægara að bæta kjör aldraðra og öryrkja.Það er ekkert gagn í einföldu kerfi,ef lífeyrisþegar geta ekki eftir sem áður leyst út lyfin sín,farið til læknis og keypt mat í lok mánaðar.Nefndin eða ráðuneytið hafa enn ekkert sagt um nefndarálitið. En heyrst hefur,að gert sé ráð fyrir,að fella niður framfærsluuppbótina,sem veitt hefur verið þeim,sem ekki hafa náð lágmarkstekjum á annan hátt. Hún mun verða felld niður án kjaraskerðingar. Þetta er hin svokallaða krónu á móti krónu skerðing. Það er ágæt lagfæring að fella hana út,ef það veldur ekki kjaraskerðingu.En ég vil sjá almennar raunverulegar kjarabætur. Nefnd fjölmargra aðila getur ekki unnið að endurskoðun almannatrygginga í mörg ár án þess að leggja til kjarabætur fyrir aldraða og öryrkja.

Ekki mun hafa verið full eining í nefndinni um álitið. Gerðar eru margar athugasemdir við álitið af hálfu einstakra nefndarmanna.

Björgvin Guðmundsson