Afnám tekjutenginga er eitt stærsta málið!

 

 

 Eitt helsta baráttumál mitt í dag er að  afnema tekjutengingar lífeyris aldraðra og öryrkja í kerfi TR. Ég  hef rætt málið við marga um að koma því fram.Meðal annars  ræddi ég við  Helga Hrafn Gunnarsson kaptein Pirata um kjaramál  aldraðra. Fram kom í þeim viðræðum, að Helgi Hrafn væri hlynntur því, að tekjutengingar  yrðu afnumdar.Þetta er að mínu mati gífurlega mikilvægt mál.Það þýðir að hætta skerðingu lífeyris aldraðra og öryrkja hjá almannatryggingum vegna atvinnutekna,fjármagnstekna og greiðslna úr lífeyrissjóði.Nái það fram að ganga hætta aldraðir og öryrkjar að fá bréf frá Tryggingastofnun vegna  „ofgreiðslna“. Það myndast þá engar svokallaðar „ofgreiðslur“,þar eð þær stafa allar af tekjutengingum.

 Ég er bjartsýnn á að þetta stefnumál    varðandi afnám tekjutenginga nái fram að ganga eftir næstu kosningar i oktober.

Björgvin Guðmundsson

Athugasemdir

[Kristján Sigurður Kristjánsson, 2.8.2016 kl. 11:09]

En hvernig væri að leggja lífeyrissjóðakerfið niður og greiða öllum að lámarki kr. 350.000.- á mánuði? Það kostar um 130 milljarða á ári, samfélagið er að greiða núna um 450 milljarða árlega fyrir handónýtt lífeyriskerfi.