Viðskiptahalli,ör skuldasöfnun og verðbólga

Sendinefnd frá Alþjóðagjaldeyrissjóðnum hefur kynnt sér íslensk efnahagsmál að undanförnu og sagði hún frá áliti sínu á fundi í gær.

Sendinefndin ræddi við fulltrúa stjórnvalda og atvinnulífisins og komst að þeirri niðurstöðu að þegar til lengri tíma sé litið þá séu efnahagshorfur á Íslandi ennþá góðar. Opnir og sveigjanlegir markaðir, og  fagleg stjórn á náttúruauðlindum hafi gert Íslandi kleift að njóta tækifæra sem fylgt hafi alþjóðavæðingunni. En mikill viðskiptahalli, ör skuldasöfnun og verðbólga  geti grafið undan stöðugleikanum, segir í tilkynningu frá Alþjóðagjaldeyrissjóðnum.

Alþjóðagjaldeyrissjóðurinn endurtekur fyrri yfirlýsingar um að breytiingar verði gerðar á íbúðalánasjóði. Þar er sjóðurinn kominn út fyrir  sitt verksvið. Eignarhald og fyrirkomulag á ibúðalánasjoði er pólitískt mál,sem sjóðnum kemur ekki við. Best er að hafa fyrirkomulag íbúðalanasjóðs óbreytt. Félagsmálaráðherra hefur lýst sig andvíga  einkvæðingu íbúðalánasjóðs. Hún á ekki heldur að láta undan þrýstingi um að búta sjóðinn i sundur. Slíkar  breytingar miða að því einu að auka gróða bankanna á kostnað húsbyggjenda.

Björgvin Guðmundsson

u