Verða kosningaloforðin efnd?

Nú stytttist í að alþingi komi saman en það verður 1.oktober n.k. Þá er komið  að því að efna kosningaloforðin. Stjórnarflokkarnir hafa notað  sumarið til þess að undirbúa framkvæmd margra umbótamála,sem lofað var í kosningabaráttunni að yrðu efnd. Einkum var lofað miklum umbótum á velferðarkefinu og þar á meðal miklum kjarabótum aldraðra og öryrkja.Ekkert hefur verið gert  í því efni enn.Stjórnin hefði getað hækkað lífeyri aldraðra og öryrkja strax  sl.  vor ef vilji hefði verið fyrir hendi.En það var ekki gert.

Samfylkingin lofaði að stórbæta   kjör aldraðra og hækka lífeyri þeirra þannig að hann yrði sem svarar neysluútgjöldum Hagstofunnar samkvæmt neyslukönnun og að  hann mundi síðan hækka sjálfvirkt samkvæmt breytingu á umræddri neyslukönnun.Væntanlega verður þetta loforð efnt nú strax  og alþingi kemur saman. Aldraðrir eiga að  geta átt áhyggjulaust  ævikvöld og þeir eiga að geta lifað með reisn  á því æviskeiði sínu.Þeir eiga ekki að þurfa að skera allt við nögl.

Björgvin Guðmundsson

i

Athugasemdir

[Þórbergur Torfason, 17.9.2007 kl. 10:00]

Björgvin, það hefur nú ekki þurft að bíða eftir þingsetningu til að efna sum kosningaloforð og sópa hinum´óheppilegu vegna stjórnarsamstarfs út af borðinu. Mér finnst tíðarandinn vera þannig að það sé spenningur í lofti að sjá hve ódýrt SF selur sig á pólitíska markaðnum en hún er óskrifaða blaðið í stjórnarsamstarfinu.

[Gunnlaugur Tómasson (IP-tala skráð) 17.9.2007 kl. 10:17]

SF hafði það eina á stefnuskrá sinn að komast í stjórn og það tókst.  Nú er Ingibjörg Sólrún á fullu að troða vinkonum sínum úr Kvennalistanum í áhrifastöfður víðast hvar og þar með er Samfylkingin að verða stærsta vinnumiðlun landsins.  T.d. hafa margar stuðningskonur hennar fengið góðar stöður hjá hinum opinbera og það án þess að þessar stöður hafi verið auglýstar sbr. lög um störf hjá ríkinu því allir þegnar landsins eiga að hafa jafnan rétt á að sækja um stöður hjá hinu opinbera.