Mikill ágreiningur í borgarstjórn

Ljóst er eftir blaðamannafund borgarfulltrúa Sjálfstæðisflokksins í gær og viðtöl við Björn Inga Hrafnsson,að mikill ágreiningur er í borgarstjórn  um orkumálin. Borgarfulltrúum Sjálfstæðisflokksins tókst að  beygja borgarstjóra i málinu og hefur hann nú fallist á að selja  sem fyrst hlut Orkuveitunnar í Reykjavík energy invest. Áður hafði borgarstjóri ákveðið vegna þrýstings að afturkalla  hlutabréfasölur í REI til einstakra vina og gæðinga og sagt,að allir ættu að sitja við sama borð við kaup á hlutabréfum.Björn Ingi Hrafnsson borgarfulltrúi Framsóknarflokksins er ekki sáttur við niðurstöðuna í Sjálfstæðisflokknum. Hann telur skynsamlegra að bíða með sölu á hlut Orkuveitunnar í REI,þar til hann hafi hækkað í verði.

Ljóst er að þetta klúður hjá borgarstjórn Reykjavíkur getur stórskaðað hagsmuni Reykjavíkur. Það er búið að sameina REI og Geysir Green Energy á Suðurnesjum. Stórir einkaaðilar eru hluthafar í fyrirtækinu. Þeir eru komnir þarna inn og eiga jafnvel forkaupsrétt á kaupum á frekari hlutum. Það er stórhættulegt að hleypa  einkaaðilum þannig inn  orkulindir landsmanna.Ljóst er að það verður að setja lög sem fyrst sem hindra frekari sókn einkaaðilia inn í orkulindirnar.

Björgvin Guðmundsson

 

 

 

Athugasemdir

[María Kristjánsdóttir, 9.10.2007 kl. 10:28]

Við verðum að fá allar upplýsingar um þetta mál upp á borðið- þær eru ekki komnar og reyna að hnekkja samningnum-.