Valgerður Bjarnadóttir á heiður skilið

Valgerður Bjarnadóttir,varaþingmaður Samfylkingarinnar, settist inn á þing í skamman tíma   og á fyrsta degi flutti hún frumvarp um afnám forréttinda ráðherra og þingmanna í lífeyrismálum.Með þessu sýndi hún mikinn kjark,þar eð aðrir þingmenn hafa ekki haft þor til þess  að flytja slíkt frumvarp enda þótt margir hafi verið óánægðir með sérréttidi ráðherra og þingmanna.Frumvarp Valgerðar kveður á um það,að  allir eigi að sitja við sama borð í lífeyrismálum. Ráðherrar og þingmenn eigi aðeins að hafa sama lífeyri og aðrir ríkisstarfsmenn. Margir þingmenn stjórnarflokkanna þora ekki að flytja nein mál. Þeir halda að stjórnin ein megi flytja mál. En það er mikill misskilningur. Þingmenn eiga að fylgja sannfæringu sinni og flytja  frumvörp um mál,sem þeir bera fyrir brjósti.

 

Björgvin Guðmundsson

Athugasemdir

[Jón Halldór Guðmundsson, 8.11.2007 kl. 01:36]

Tek undir þetta.  Gott að hrista að þingheimi þá skömm sem þetta slæma mál var.