Mikilvægast að hækka lífeyrinn

 

Á heimasíðu Landssambands eldri borgara ( www.leb.is) er grein um yfirlýsingu ríkisstjórnarinnar frá 5.desember 2007.Þar er fjallað um hvað raunverulega felst í þeirri yfirlýsingu..

  Ríkisstjórnin er ánægð með þessa yfirlýsingu  og telur,að hún hafi gert mikið í málefnum aldraðra og öryrkja með því að gefa þessa yfirlýsingu út  enda þótt hún taki ekki gildi fyrr en eftir marga mánuði..

  Stærstu atriðin í þessari yfirlýsingu eru þessi:

Frá og með 1.júlí n.k. eiga eldri borgarar,67-70 ára, að geta unnið fyrir 100 þúsund krónum á mánuði án þess að það skerði tryggingabætur þeirra. ( 100 þúsund króna frítekjumark á mánuði).Þetta kostar 600 þúsund á árinu 2008.

Frá 1.apríl eiga tekjur maka ekki að skerða tryggingabætur ellilífeyrisþega.. Kostnaður 1,3 milljarðar í ár.- Það er eftir að samþykkja lög um þessar breytingar. Ráðgert er að gera það næsta vor.

 Rannsóknarsetur verslunarinnar á Bifröst hefur reiknað út að  að auknar skatttekjur af  vinnu eldri borgara  á vinnumarkaðnum muni nema  4 milljörðum króna  á´ári við minni skerðingar tryggingabóta  eldri borgara. Þar er miðað við,að 30% eldri borgara nýti sér það að vinna.

Samkvæmt þessu kostar það ríkið ekki neitt að  minnka skerðingu tryggingabóta.

 Eldri borgarar telja mikilvægt að  dregið sé úr skerðingu tryggingabóta og helst vilja þeir að skerðingar verði með öllu afnumdar eins og gert hefur verið í Svíþjóð.

 En mikilvægast telja eldri borgarar að það sé að hækka lífeyrinn frá almannatryggingum. Lífeyrir aldraðra á að vera það hár að hann dugi fyrir neyslukostnaði samkvæmt neyslukönnun Hagstofu Íslands.Það þarf að hækka lífeyri einstaklinga um  tæpar 100 þúsund kr. á mánuði til þess  að ná því marki.Það hefði átt að byrja á því að hækka lífeyrinn. Það er ennþá mikilvægara en að draga úr tekjutengingum.

 

   Björgvin Guðmundsson.  

Athugasemdir

[Guðjón Sigþór Jensson, 17.1.2008 kl. 07:57]

Það hlýtur að vera mjög mikill akkur í því að eldri borgurum sé gert fjárhagslega auðvelt að taka þátt í atvinnulífinu meðan heilsa og áhugi er fyrir. Reynsla, þekking og hversu eldra fólk er oft úrræðagott í daglegu amstri kemur samfélaginu mjög mikið að gagni. Ótalmörg dæmi eru um það og það er einstaklingnum innri hvatning að láta til sín taka. Ríkisstjórnin er því miður bundin um of við þá miklu hagsmuni að hafa skattgreiðendur sem flesta og hafa sem mest af þeim sem hafa lágu tekjurnar.

Fyrir nokkru ræddi Mosi við 85 ára gamlan öldung sem hefur látið mikið til sín taka. Honum blöskrar svo ranglæti ríkisstjórnarinnar að helst hefði hann viljað drífa í að bylta ríkisstjórninni. „En ég er sennilega orðinn of gamall til að njóta ávaxtanna af því“ bætti hann við.

Framkoma ríkisstjórnarinnar með Sjálfstæðisflokkinn í forsvari gagnvart eldra fólkinu er fyrir neðan allar hellur. Því miður sjá þeir ekkert nema auðmennina og á þeim bæ er grátið beiskari tárum yfir fallandi gengi hlutabréfa en bágri afkomu þorra öldunga þjóðarinnar sem hafa það virkilega skítt. Og það í landi þar sem drýpur smjör af hverju strái.

Kannski við gerum drífum í byltingu og það fremur fyrr en seinna.

Mosi