Foringjaræðið er blettur á stjórnmálaflokkunum

Bókin um Guðna  fyrrverandi ráðherra sem Sigmundur Ernir  Rúnarsson skrifar er mjög athyglisverð. Hún er vel rituð, lýsir vel uppvexti Guðna Ágústssonar og harðri lífsbaráttu föður hans,Ágústs Þorvaldssonar, sem   átti oft ekkert að  borða þegar hann var að alast upp. Bókin lýsir því vel hve stutt er síðan alþýðufólk á Íslandi átti við sára fátækt að stríða.En athyglisverðast er þó að lesa í bókinni um hin heiftarlegu átök í Framsóknarflokknum. Menn vissu,að ágreiningur innan Framsóknar var mikill en  menn höfðu ekki  ímyndunarafl til þess að  reikna með slíkum heiftarátökum og bókin lýsir. Svo virðist sem ein aðalástæða  átakanna innan Framsóknar hafi verið einræðistilburðir Halldórs Ásgrímssonar, formanns flokksins. Hann vildi ráða öllu í flokknum, stefnunni, hverjir væru ráðherrar og hver tæki við sem formaður, þegar hann hætti.Þetta foringjaræði í Framsóknarflokknum er ekki  einstakt fyrir Framsóknarflokkinn. Það hefur tíðkast í fleiri flokkum og er mikill blettur á lýðræðisþróun  íslenskra stjórnmála.Guðni lýsir því vel í bókinni hvernig Halldór vildi ekki aðeins ráða því hver tæki við formennsku í Framsókn,  þegar hann hyrfi úr formannsstólnum heldur vildi hann einnig ráða því hver yrði varaformaður og  hann gerði kröfu til  þess  að Guðni hyrfi úr forustunni um leið og hann ( Halldór). Guðni segir í bókinni, að  Halldór gæti ráðið því hvenær hann hætti sjálfur í stjórnmálum en hann gæti ekki ráðið því hvenær hann,Guðni,hætti.

Auðvitað er það mjög undanlegt,að Halldór skyldi leggja ofurkapp á það að draga Guðna með sér út úr pólitíkinni um leið og hann ákvæði sjálfur að hætta. Halldór var orðinn óvinsæll og búinn að fara illa með Framsókn á löngu samstarfi við íhaldið en Guðni var vinsæll og sterkur í sínu kjördæmi  og gat því haldið lengi áfram enn í pólitík.

Björgvin Guðmundsson

www.gudmundsson.net

Athugasemdir

[María Kristjánsdóttir, 20.1.2008 kl. 23:52]

Ég neyðist víst til að lesa þessa bók. Og ég er sammála þér um a'ð foringjaæðið hefur dregið úr lýðræði á Íslandi síðustu tvo áratugi.

[Steini Briem (IP-tala skráð) 21.1.2008 kl. 01:02]

"Bókin lýsir því vel hve stutt er síðan alþýðufólk á Íslandi átti við sára fátækt að stríða."

Það var og! Þetta er sem sagt liðin tíð?! Margir Íslendingar eiga nú (og á morgun) hvorki til hnífs eða skeiðar í bókstaflegri merkingu og án þess að það sé þeim sjálfum að kenna.

[Gullvagninn (IP-tala skráð) 21.1.2008 kl. 11:23]

Mikið er ég sammála þessu, foringjaræði, og jafnvel kosningar svk flokkslínum á þingi, núllar tilganginn með því að hafa 63 einstaklinga sem fulltrúa okkar.

[Þorkell Sigurjónsson, 21.1.2008 kl. 12:07]

Hefi ekki komið því í verk, að  lesa bókina hans Guðna en ætla  að ég held að gera það. Sjálfur kynntist ég pólitísku flokkstarfi og hefi aldrei líkað "plottið" sem því fylgir.

Las á sínum tíma "Tilhugalíf" bókina  hans Jóns Baldvins og einnig Steingrím Hermannsson og fannst lítið til koma. "Hugsjónaeldur" minningar Einars Olgeirssonar var kannski skást af þessum þremur, en yfirleitt er ég ekki mj0g hrifinn af ævisögum. Satt er það, að það er ótrúlega stutt síðan við hér á Íslandi áttum vart til hnífs og skeiðar.  OG þetta sem hann Steini Briem segir um fátækt í dag á Íslandi er því miður allt of rétt hjá honum.