Hvers vegna hækkar ríkisstjórnin ekki lífeyri aldraðra?

Hvers vegna hækkar ríkisstjórnin ekki lífeyri aldraðra frá almannatryggingum eins og lofað var fyrir kosningar? Hvers vegna segir ríkisstjórnin, að hún sé að bæta kjör aldraðra, þegar hún er eingöngu að draga úr tekjutengingum,sem aðeins koma hluta eldri borgara til góða? Ellilífeyrisaldur er 67 ára. Þegar fólk hefur náð  þeim aldri getur það farið á eftirlaun. Það hefur þá lokið starfsævi sinni. Þeir eru tiltölulega fáir,sem vilja halda áfram að vinna.Aðgerðir ríkisstjórnar til þess að bæta kjör aldraðra eiga að sjálfsögðu að miðast við þá, sem eru orðnir ellilífeyrisþegar og hættir störfum. Aðgerðirnar eiga ekki eingöngu eða fyrst og fremst að miðast við þá sem eru heilsuhraustir og kjósa að vinna áfram. Það er mikill minnihluti  aldraðra Og það á ekki að blekkja eldri borgara og tala eins og það sé verið að bæta  kjör allra eldri borgara, þegar aðeins er verið að bæta kjör þeirra, sem eru á vinnumarkaðnum.

Björgvin Guðmundsson

www.gudmundsson.net

Athugasemdir

[Gísli Hjálmar Ólafsson (IP-tala skráð) 25.1.2008 kl. 18:11]

Það er vega þess, að það eru tveir hægriflokkar við völd á Íslandi. Svo einfalt er það. Kv. Gísli Hjálmar Ólafsson

[Eyjólfur Jónsson, 25.1.2008 kl. 23:15]

Þetta er tóm þvæla. Það á ekkert að bæta nein kjör eða efna nein loforð. Er fólk ekki ennþá búið að læra þetta. Kosningaloforð eru bara loforð. Kosningabarátta gengur bara út á að vinna kosningar og ná eins miklum völdum og stöðum og hægt er . Þetta er þeirra vinna og hún kemur okkur hinum ekkert við  og þegar einhver er kosinn, fer hann beint í að tryggja stöðu sína og fer alls ekki í að efna einhver loforð. Þið eigið bara að láta draga ykkur á asnaeirunum og borga brúsann. Ég er alveg búinn að fatta þetta og held kjafti!!

Wolfang 

[Haraldur Haraldsson, 26.1.2008 kl. 00:19]

Maður er alveg sammál Björgvin þarna,spurningin á sko alveg rétt á sér og vel það/Auðvitað hafa bæði hans flokkur S.F.og minn XD.þetta á stefnuskrá sinni en það vantar bara efndirnar/Björgvin mer líkar þina greinar um okkur gamlingjanna/Halli gamali

[Nanna Katrín Kristjánsdóttir, 26.1.2008 kl. 01:19]

Ég held að íslendingar séu of uppteknir af hlutum og öllu sem glóir að þeir gleyma öllu mannlegu.  Vona að fallið verði til þess að við tökum okkur tak áður en það er of seint.

[Steini Briem (IP-tala skráð) 26.1.2008 kl. 11:50]

Sjálfstæðisflokkurinn í ríkisstjórn vill hvorki bæta kjör aldraðra né öryrkja og ekki hækka húsaleigubætur, þrátt fyrir 80% hækkun á húsaleigu frá árinu 2004, "vegna þess að þetta aumingjalið myndi bara eyða hækkuninni í vitleysu!" Jóhanna Sigurðardóttir félagsmálaráðherra má sín einskis gegn Sjallanum Árna Matthiesen fjármálaráðherra, Íslandsmeistara í skattheimtu.