Ekki pólitíska fundi í Fríkirkjunni

Fyrrverandi stjórnarmaður úr safnaðarstjórn Fríkirkjunnar í Reykjavík mótmælir því að Samtökin Sól á Suðurlandi efni til fundar í húsakynnum kirkjunnar á morgun. Tilefni fundarins er að mótmæla áformum um að virkja Þjórsá. „Þetta er pólitíkskt þrætuepli sem þarna er í gangi," segir Magnús Siguroddsson, rafmagnstæknifræðingur og fyrrverandi stjórnarmaður í Fríkirkjunni.

Hann segist hafa verið í Fríkirkjusöfnuðinum frá því í bernsku og sér vitandi hafi aldrei verið haldnir pólitískir fundir þar. Magnús segist fara þess vinsamlega á leit við núverandi safnaðarstjórn kirkjunnar að hætt verði við fundinn og hann færður á annan stað. Hann segist þó ekki hafa rætt málið við Hjört Magna Jóhannsson fríkirkjuprest.

Ég tek undir með Magnúsi Siguroddssyni: Það á ekki að halda pólitíska fundi í Fríkirkjunni. Það er best að halda fríkirkjusöfnuðinum utan við öll  pólitísk átök. Það eru menn í  söfnuðinum með ólíkar pólitíska skoðanir. Þess vegna getur það verið mjög viðkvæmt  mál,ef kirkjan er tekin undir pólitíska fundi.- Ég er í fríkirkjusöfnuðinum og hefi verið þar í 70 ár.

 

Björgvin Guðmundsson

Athugasemdir

[Predikarinn - Cacoethes scribendi , 16.2.2008 kl. 13:33]

Sæll. Séra Hjörtur hefur leyft ýmislegt hápólitískt og sérlega eldfimt. Þetta er nú ekki mikið á við ýmislegt annað sem hefur komið frá þeim manni.