Ekki olíuhreinsunarstöð á Vestfjörðum

Ekki líst mér á að reisa olíuhreinsunarstöð á Vestfjörðum.Við Vestfirði eru einhver bestu fiskimið ndsins og ef olíuslys verður og mikil olía fer í sjóinn eru þessi fiskimið i hættu.Þarna er einnig mikil náttúrufegurð og olíuhreinsunarstöð fer illa þarna. Ef nauðsynlegt er að reisa hana ætti hún að rísa annars staðar.

Ég  skil vel ,að Vestfirðingar leiti að nýjum atvinnutækifærum eftir að kvótakerfið hefur farið mjög illa með byggðirnar vestra.Það,sem á að gera,er að breyta kvótakerfinu  enda verður að gera það eftir úrskurð mannréttindanfndar Sþ. Það verður að opna kerfið fyrir nýjum  aðilum og það verður að  breyta kerfinu þannig að allir sitji við sama borð. Það verður að afturkalla veiðiheimildir og setja á uppboð eða  úthluta að nýju. Það þarf að opna fyrir smábátunum,það mundi hjálpa Vestfirðingum mikið.

 

Björgvin Guðmundsson

Athugasemdir

[Guðjón Sigþór Jensson, 6.3.2008 kl. 13:41]

Forsendur þessarar olíhreinsistöðvar eru vægast sagt mjög veikar. Sem stendur flytja Rússar olíu með járnbrautum til Murmansk og þaðan með meðalstórum olíuflutningaskipum vestur um haf.

Nú er bandaríski dalurinn í mjög mikilli lægð meðan evran sækir í sig veðrið. Hagkvæmara er fyrir Rússa að flytja olíu um Eystrasalt til Mið Evrópu fremur en að koma henni um langan veg á markað þar sem verðið er mun lægra sem þeir fá fyrir sinn snúð. Því er tómt mál að ræða frekar um þessi olíuhreinsistöðvarmál og jaðrar við heimsku að reyna að ana Vestfirðingum út í það kolvitlausa ævintýri.

Mosi