Álframleiðslan hér greiðir jafnmikið í vinnulaun og fiskvinnslan

Áliðnaðurinn mun á þessu ári greiða um 13,5 milljarða kr. í laun sem er álíka mikið og fiskvinnslan greiðir sínu starfsfólki. Nettóábata þjóðarbúsins af áliðnaði í ár má áætla um 54 milljarða en veiðar og vinnsla á þorski munu hins vegar skila um 38,4 milljörðum. Þetta segir Jóhannes Geir Sigurgeirsson en hann hefur rannsakað breytingar á íslensku atvinnulífi 1995-2005 og mögulega þróun til árins 2015.

Ég hefi bent á,að það sem getur skipt sköpum fyrir afstöðu Íslendinga til ESB er sú staðreynd,að vægi sjávarútvegs í þjóðarframleiðslunni fer minnnkandi.Ábati  af áliðnaði verður meiri á þessu ári en ábati af fiskveiðum og vinnslu.Sjávarútvegurinn er því ekki  lengur aðalatvinnuvegur þjóðarinnar.

 

Björgvin Guðmundsson

 

 

Meiri nettóábati af áli en þorski

Athugasemdir

[Páll Kristjánsson (IP-tala skráð) 8.3.2008 kl. 10:30]

Sæll Björgvin

Þetta er nú undarlegur samanburður hjá Jóhannesi Geir. Því tók hann bara Þorsk veiðar og vinnslu. Þetta er sú tegund sem kvóti hefur verið skorinn hvað mest niður í. 

Því tók hann ekki bolfiskvinnslu í heild eða sjávarútveg sem heild?

Þarna er verið að bera saman epli og appelsínur, annarsvegar áliðnað sem heild og svo brot af sjávarútvegi. Þetta er svona eins og að bera saman söluna í Bónus og Melabúðinni og komast að því að salan í Bónus sé meiri. 

Sem ungur maður sem hef mikið unnið í kringum sjávarútveg verð ég að segja að ég skil ekki alveg tilganginn með þessu hjá Jóhannesi og enn síður skil ég það að þú Björgvin notir þetta til að styðja þitt mat á að "ábati af áliðnaði verði meiri á þessu ári en ábati af fiskveiðum og vinnslu".

Síðan ég man eftir mér hefur þjóðinni verið sagt það að við munum ekki lifa á sjávarútvegi lengi enn, ég man fyrst eftir því þegar ég var svona 6 ára eða fyrir tæpum 30 árum síðan, enn lifum við á honum þrátt fyrir gríðarlega baráttu til að koma sjávarútvegi frá. Þjóðin hefur nú verið látin fjárfesta fyrir nokkra hundruði milljarða til að reyna að koma sjávarútveginum frá. En svo þarf að bera saman einn iðnað sem heild gegn þorskveiðum og vinnslu til að fá niðurstöðuna sem hentar.  

Held það hefði verið áhugavert ef Framsóknarmaðurinn og fyrrverandi bóndinn Jóhannes Geir hefði tekið út ábatann af íslenskum landbúnaði í gegnum árin, hann hefur nú sennilega verið minni en veltan í Melabúðinni.

Bestu kveðjur