Innflutt matvæli hækka um 20%

Forstjóri Haga, Finnur Árnason, segir að framundan séu hækkanir á matvælum. Innflutt matvæli muni hækka um 20% en einnig muni innlend framleiðsla hækka í verði vegna hækkunar á hráefniskostnaði. Að sögn Finns hefur verð á kjöti þegar hækkað en mjólkurvara eigi eftir að hækka. Þetta kom fram í viðtali við Finn á Rás 1 í morgun.

Fram kom í viðtalinu við Finn að hann vill að innflutningur á kjúklingum, svínakjöti og eggjum verði gefinn frjáls.

Stjórnvöld geta ekki horft aðgerðarlaus upp á þessar  gífurlegu  hækkanir hellast yfir almenning. Það verður að lækka skatta og tolla á matvælum  og gefa innflutning á  vissum landbúnaðarvörum frjálsan til þess að lækka matvælaverð. Áður en gengið  hrundi var matvælaverð hér þegar hið hæsta í Evrópu og nú bætast við áhrif gengishrunsins.Það verður að vernda almenning.

 

Björgvin Guðmundsson

 

Verulegar verðhækkanir á matvælum framundan

Athugasemdir

[anna (IP-tala skráð) 25.3.2008 kl. 12:15]

Það er ekki bara hér á landi sem matvaran hækkar og kaupið ekki. Innleiðing evrunar, náttúruhamfarir og uppskerubrestir um víða veröld orsaka að matvara hefur hækkað mikið í evrópu. Mjólkurvörur í Þýskalandi hækkuðu t.d. um 50% í september í fyrra. Ég var í þýskalandi um daginn og gat ekki betur séð en að nautakjöt og fiskur, brauð og mjólkurvörur væru dýrari en hér. Burtséð frá matnum hefur hiti og rafmagn hækkað 7 sinnum á einu ári þar í landi! Einkavæðingin er að mjólka pyngjur almennings svo að margir hafa varla efni á að hita hýbíli sín.  Þegar ég bjó úti borgaði ég 5 sinnum meira í rafmagn og hita en ég geri hér á landi, fyrir sömu stærð af íbúð. Eins var bensínlíterinn dýrari en hér. Hagkerfi Þýskalands er að hruni komið og í 88 milljón manna þjóðfélagi er tæpl. 12% atvinnuleysi og 11 milljón manns lifa þar undir fátækramörkum. Þökk sé evrunni, sem virðist hafa gert þá ríku ríkari og miðstéttina fátækari! Alheimsástandið er að versna og við hér á íslandi ættum að einbeita okkur að minni innflutningi í matvöru og meiri landsframleiðslu. Íslensk framleiðsla er lostæti, miðað við frekar dýrann massaframleiðslumatinn í evrópu sem er fullur af allskonar rotvarnarefnum og hormónum.