Vill fjármálaráðherra leggja niður embætti umboðsmanns alþingis?

Árni M. Mathiesen, fjármálaráðherra, hefur svarað spurningum umboðsmanns Alþingis um veitingu embættis héraðsdómara við Héraðsdóm Norðurlands eystra og Héraðsdóms Austurlands. Árni segist í svarinu telja, að ráða megi það af spurningum umboðsmanns að hann hafi þegar mótað sér skoðun á málinu og svörin hafi því takmarkaða þýðingu og þar með hinn sjálfsagði réttur ráðherra til andmæla.

Árni segir í svörum sínum, að fagnefnd, sem mat hæfni umsækjenda um stöðuna, hafi ekki metið að verðleikum að Þorsteinn Davíðsson starfaði sem aðstoðarmaður dómsmálaráðherra í fjögur ár. Þorsteinn var skipaður í embættið.

Athugasemdir Árna eru mjög undarlegar,þar eð umboðsmaður alþingis á að vera alveg hlutlaus gagnvart framkvæmdavaldinu og öllum. Áthugasemdir Árna benda til  þess að  hann telji umboðsmanna ekki óhlutdrægan og  í rauninni er Árni að gera því skóna,að hann þurfi ekki að fara eftir áliti umboðsmanns. Ef ráðherrar treysta ekki umboðsmanni alþingis og telja hann hafa fyrirframákveðnar skoðanir á málum  er grundvöllurinn undir störfum umboðsmanns brostinn.Það er þá aðeins um tvennt að ræða:Að skipta um umboðsmann eða leggja embættið niður. Hvorugur kosturinn  er góður.

 

Björgvin Guðmundsson

Ráðherra efast um hlutleysi umboðsmanns

Athugasemdir

[Þorsteinn Úlfar Björnsson (IP-tala skráð) 27.3.2008 kl. 10:45]

Hvað annað á Árni að gera en svara með útúrsnúningi og skætingi? Hann virðist vera rökþrota maðurinn og gerir sér sjálfsagt grein fyrir því að það kaupir enginn þess fáránlegu rök hans sem hann hefur reynt að bera á borð fyrir fólk. Það sem Árni hefur sagt í þessu máli kemur mér prívat og persónulega til að efast um greind hans og karakter. En hann haefur vondan málstað að verja er þegar búinn að mála sig út í horn.

Hvernig er það annars, er ekki Friðrik að hætta hjá Landsvirkjun og á ekki Árni að taka við?

[Sigurður Haukur Gíslason, 27.3.2008 kl. 12:26]

"Að skipta um umboðsmann eða leggja embættið niður. Hvorugur kosturinn  er góður."

Sammála þér í þessu. Þetta er algjör vantraustsyfirlýsing af hálfu ráðherra í ríkisstjórn gagnvart umboðsmanni Alþingis. Spurning hvað ríkisstjórn og þingmenn gera í kjölfarið.