Orkufrumvarpið rætt á alþingi

 t

Verið er að ræða á Alþingi um frumvarp um breytingar á ýmsum auðlinda- og orkusviði en iðnaðarnefnd þingsins lauk umfjöllun um frumvarpið í síðustu viku. Þingmenn VG segja, að með
frumvarpinu sé stigið stórt skref í þá átt að færa nýtingu orkuauðlindanna úr félagslegri forsjá sveitarfélaga og ríkis og fyrirtækja þeirra yfir til einkaaðila á markaði.

Frumvarpinu er ætlað að tryggja núverandi eignarhald ríkis og sveitarfélaga á vatns- og jarðhitaréttindum yfir tilteknum viðmiðum. Miðað er við að eignarhaldið sé bundið í lög þannig að opinberum aðilum er óheimilt að framselja varanlega áðurnefndar auðlindir til annarra en ríkis, sveitarfélaga eða félaga sem alfarið eru í eigu þessara aðila og sérstaklega stofnuð til að fara með þessi réttindi. Verði frumvarp þetta að lögum munu opinberir aðilar geta veitt öðrum tímabundinn afnotarétt á auðlindum í þeirra eigu til 65 ára eða skemur.

Fram kemur í áliti meirihluta iðnaðarnefndar, að nefndinni hafi borist  margar ábendingar um að kominn væri tími til að endurskoða lagaramma utan um starfsemi sérleyfishafa með það að leiðarljósi að tryggja hagkvæman rekstur og að fyrirtækin sjái sér hag í að byggja upp raforkukerfið. Fulltrúar iðnaðarráðuneytis hafi upplýst nefndina um að verið væri að skipa nefnd til að endurskoða raforkulögin og að þessir þættir mundu þá koma til skoðunar.

Í nefndaráliti VG segir, að með frumvarpinu séu orkuauðlindir, sem þegar eru í almannaeign, vissulega varðar en það sé engu síður ávísun á einkavæðingu 49–100% af öllum öðrum eignum og rekstrarþáttum stærstu rafveitna og hitaveitna á landinu. Á sama tíma treysti iðnaðarráðherra sér ekki til að hrófla við eignarhaldi einkaaðila á orkuauðlindunum.

Frumvarp þetta er að mínu mati til bóta. Það tryggir að ekki sé unnt að selja einkaaðilum  mikilvægar orkulindir þjóðaarinnar   sem nú eru í eigu  opinberra aðila til  varanlegrar eignar.

Björgvin Guðmundsson

Rætt um nýtingu orkuauðlinda á Alþingi

Athugasemdir

[Hannes Friðriksson , 26.5.2008 kl. 16:16]

Blessaður Björgvin

Sammála þér í því að það er til bóta að því leyti að tryggt er að þessi fyrirtæki lenda ekki í einkaeigu, en þrátt fyrir það verða menn að halda vöku sinni hvernig hinn opinberi aðili fer með atkvæði sitt. Nú er ljóst t.d í máli Hitaveitu Suðurnesja, að fyrir liggur bókun frá bæjarstjórnarmeirihlutanum í Reykjanesbæ frá 12-07- 2007 um að þau skref sem tekinn voru þá var fyrsti áfangi til einkavæðingar fyrirtækisins. Þeir lögðust gegn því sem hin sveitarfélögin voru á þeim tíma sammála um að neyta forkaupsréttarins og sveitaarfélögin eignuðust á þann hátt hlut ríkisins. Þeir lögðu mikla áherslu á að GGE kæmi þarna inn, og geta menn treyst því í dag að þeir fari með atkvæði sitt í þágu sveitarfélagsins.

Nei ekki ég. Þessvegna  segi ég að það sé nauðsynlegt fyrir okkur að vera vel vakandi hvað það varðar.

                                         Með bestu kveðjum

                                         Hannes Friðriksson

[Hannes Friðriksson , 26.5.2008 kl. 16:33]

Blessaður Björgvin

Ég er sammála þér að þetta frumvarp er um margt til bóta, það virðist tryggt að fyrirtæki eins og t.d Hiataveita Suðurnesja verði ekki einkavætt. Á móti kemur að nú verðum við að fylgjast vel með hvernig hinn opinberi aðili fer með eignarhlut sinn eins og t.d HS .

Þar liggur fyrir að meirihluti bæjarstjórnar í Reykjanesbæ hefur bókað að þeir hyggist einkavæða fyrirtækið (bókun í bæjarstjórn RNB 12-07-2007). Sú bókun kom þegar ljóst var að minni sveitarfélögin á svæðinu voru tilbúinn til að nýta forkaupsréttinn að hlut ríkisins, en þessi meirihluti taldi nauðsynlegt að GGE kæmi þar inn. Þrátt fyrir að vera vel vitandi að það var ekki ósk meirihluta kjósenda á svæðinu sem síðar var staðfest með undirskriftarsöfnun.

Ég get t.d ekki treyst því að þeir sem fara með atkvæði fyrir RNB greiði endilega atkvæði í þágu hins opinbera, á meðan slík bókun liggur fyrir, þessvegna held ég að mikilvægt sé fyrir alla að halda vökunni hvað það snertir. Að sú aðlögun sem stjórnendur HS hafa boðað að þeir séu tilbúnir í, verði með velferð hins opinbera í huga, og skiptingin fram á þann hátt að hagur íbúanna sé tryggður frekar en að tekið sé eitthvað sérstakt tillit til áhættufjárfestanna. Það er m.a liður í þeirra áhættu .

                                                    Bestu kveðjur

                                             Hannes Friðriksson

                                      Hannes Friðriksson