Spornum gegn fátækt.Jöfnum tekjuskiptinguna í þjóðfélaginu!

Í alþingiskosningunum 2007  lagði Samfylkingin mikla áherslu á það að  jafna tekjuskiptinguna í þjóðfélaginu. Samfylkingin gagnrýndi harðlega þá miklu misskiptingu sem átt hafði sér stað í stjórnartíð Framsóknar og Sjálfstæðisflokksins. Í stjórnmálaályktun flokksins sagði:Samfylkingin mun hrinda í framkvæmd aðgerðaráætlun til þess að sporna gegn fátækt.Einnig sagði:

Samfylkingin leggur áherslu á að skattar af lífeyrissjóðsgreiðslum verði lækkaðir niður í tíu prósent og frítekjumark fyrir atvinnu- og lífeyristekjur eldri borgara verði 100.000 krónur.

Að mínu mati eru þetta einhver brýnustu málin í dag. Aðeins eitt af þessum málum hefur verið framkvæmt,eða verður framkvæmt 1.júlí n.k.,þ.e. 100 þús kr. frítekjumark fyrir atvinnutekjur en  ennþá brýnna er að setja slíkt frítekjumark fyrir lífeyrissjóðstekjur og mikilvægt er að lækka skatt af tekjum  úr lífeyrissjóði í 10%. Samfylkingin verður að halda baráttunni áfram.

 

Björgvin Guðmundsson

Athugasemdir

[Vigfús Davíðsson, 18.6.2008 kl. 15:02]

Eina leiðin til að laga þetta allt saman er að sprengja þessa ríkistjórn og boða til nýrra kosninga sem fyrst. Nú er lag, svona tækifæri kemur ekki aftur. Sjálfstæðisflokkurinn mun koma mjög ylla út úr þeim kosningum.