Hressist fasteignamarkaðurinn?

Á fundi ráðherra ríkisstjórnar Íslands með aðilum vinnumarkaðarins þar sem efnahagsmálin voru rædd voru kynntar fyrirhugaðar endurbætur á reglum Íbúðalánasjóðs. Eru endurbæturnar miðaðar að því að koma í veg fyrir kólnun á fasteignamarkaði og aðstoða ungt fólk við kaup á sinni fyrstu íbúð.

Stefnt er að því að stofna tvo nýja flokka hjá Íbúðalánasjóði. Annar flokkurinn varðar lánveitingar til banka og fjármálastofnana til endurfjármögnunar  á íbúðalánum sem þessar stofnanir hafa þegar veitt gegn veði í íbúðarhúsnæði.

 Hinn flokkurinn varðar einnig lánaveitingar til banka og fjármálastofnana til fjármögnunar á nýjum íbúðalánum.

Í tilkynningu sem ríkisstjórnin gaf út segir að til að draga úr miklum þrýstingi á skuldabréfamarkaði  hefur verið ákveðið að auka við  útgáfu stuttra ríkisbréfa.(mbl.is)

 Við lánveitingar Íbúðalánasjóðs verður viðmið við 80% af brunabótamati íbúða afnumið og þess í stað verður miðað við 80% af kaupverði eigna. Þetta er gert til að auðvelda ungu fólki að fjármagna fyrstu kaup sín og um leið verður hámarkslán sjóðsins hækkað úr 18 milljónum í 20 milljónir.

Forysta ASÍ fagnar tillögum ríkisstjórnarinnar sem miða að því að blása lífi í húsnæðismarkaðinn með því m.a. að auðvelda fólki aðgengi að lánsfé. „Í tillögum ríkisstjórnarinnar sem kynntar voru í dag er verið að bregðast við ýmsum af þeim atriðum sem Alþýðusambandið hefur lagt áherslu á í sínum málflutningi að undanförnu.Forsetar Alþýðusambandsins ítrekuðu á fundinum að þessar aðgerðir megi ekki skerða getu Íbúðarlánasjóðs til að sinna sínu hlutverki," að því er segir á vef ASÍ.( mbl.is)

Fagna bér þessum ráðstöfunum til þess að efla fasteignamarkaðinn. Viðmiðun við söluverð í stað brunabótamats við lán til ibúðarkaupa var löngu tímabær. Einnig er ánægjuefni að fjármagn til íbúðarkaupa verður aukið.

Björgvin Guðmundsson

T

 

Breytingar á Íbúðalánasjóði

Athugasemdir

[Snorri Hrafn Guðmundsson, 20.6.2008 kl. 02:46]

Það er spurning hvort hann hressist í bráð, sérstaklega þar sem ungt fólk er þegar orðið skuldsett áður en þar nær fyrsta áratug.  Það er herjað grimmilega á 18 ára táninga og veit ég allt of mörg dæmi þess að að sá hópur hafi flosnað úr skóla til þess að geta mætt greiðslum.  Meðal greiðslna eru afborganir af bíla- , tölvukaupa- og jafnvel námslánum, yfirdráttur, greiðslukort og farsími.  Svo koma þessar tölur:

Skuldir heimilanna við bankakerfið (Seðlabanki): 929.421 miljónir fyrsta ársfjórðung 2008.  Breyting á milli ársfjórðunga 10,76%.

Vanskil einstaklinga: 7.259 miljónir (FME); hlutfall 0,76%.  Breyting á milli ársfjórðunga 8,7%.

Debetkortavelta (Seðlabanki):  32.605 miljónir.  Breyting á milli mánaða 4,94%.

Kreditkortavelta (Seðlabanki):  27.915 miljónir.  Breyting á milli mánaða 13,02%.

Ég áætla að einstaklingar verði komnir í vandræði með afborganir af greiðslukortum í ágúst/september, en vona að svo verði ekki.  Launatölur og samsetning fjölskyldna gefur auk þess vísbendingar um að skuldir einstaklinga og fólks í sambúð sé komið að þolmörkum.  Þ.a.l. hlýtur fasteignaverð að falla, en þangað til reikna ég ekki með að hann taki við sér að neinu leyti.  Ég vil auk þess vara fólk við því að láta blekkjast af síðustu veltubreytingum - það þarf örfáa samninga til þess að valda jákvæðri breytingu og slíkt gefur enga marktæka vísbendingu hvernig ástandið er.

[Jón Aðalsteinn Jónsson, 20.6.2008 kl. 11:58]

Sammála Snorra vona innilega að fólk haldi að sér höndum ibuðaverð er ekki í nokkurur samræmi við kaup og greiðslugetu og þarf að lækka það er ekki nokkurum i hag að vera með lán sem að ekki er hægt að greiða af mér finnst vanta inn í allar fréttir að það verði allta latið fylgja með hvað þarf að hafa mikla innkomu til að griða af 20 000 000 lani. Það er nefnilega ekki á færri margra sem þurfa síðan kannski lika að reka fjölskyldu.

[Snorri Hrafn Guðmundsson, 20.6.2008 kl. 14:59]

Tölurnar tala sínu máli: Talnaefni