Þurfum við fleiri álver?

Miklar umræður hafa blossað upp enn  á ný  um stóriðju og stórvirkjanir og spurninguna um það hvort við þurfum fleiri álver eða ekki.Iðnaðarráðherra skrifaði í gær undir viljayfirlýsingu um að haldið yrði áframn undirbúningi og athugunum vegna hugsanlegrar álverksmiðju við Bakka.Þetta er túlkað sem svo,að Samfylkingin hafi ekki framfylgt stefnu sinni frá síðustu kosningum um hlé á stóriðjuframkvæmdum.Áður hafa framkvæmdir hafist  við byggingu álvers í Helguvík.Munurinn á Helguvík og  Bakka  er sá,að framkvæmdir hafa byrjað í Helguvík og álfyrirtækið,sem stendur að þeirri framkvæmd hefur ákveðið sig og er að byggja álver. En við Bakka  er ennallt óákveði.Álfyrirtækið hefur ekki ákveðið sig. Ég tel því,að það eigi að fresta eða hætta við framkvæmdir við Bakka og segja við álfyrirtækið: Komið og talið við okkur eftir nokkur ár þegar ykkur er alvara.

 

Björgvin Guðmundsson

Athugasemdir

[Sævar Helgason, 27.6.2008 kl. 21:32]

Það liggur eitthvað mikið á í þessum álversmálum- tvö stk á teikniborðinu.  Ekki er þetta nú í samræmi við það sem Samfylkingin lagði upp með í kosningunum.  Það er alveg ljóst að ekki fór að rætast úr með fylgið fyrr en fjöldinn var orðinn trúaður á að "Fagra Ísland" og rammaáætlun sem boðað var - væri fullt af meiningum.

Því er ýtt útaf borðinu með þessum gjörningi.  Rammaáætlun er í vinnslu - en það sýnist ekki mikil þörf fyrir hana - það á að fara að eins og Sjálfstæðisflokkur og Framsókn boðuðu fyrir kosningar-- "Áfram og ekkert stopp"

Nú er alveg ljóst að við verðum að nýta auðlindir okkar , fiskinn í sjónum og orkuna í fallvötnum og jarðvarma- það er bara ekki sama hvernig það er gert. 

Að mínu mati er komið alveg nóg af álverum nú þegar- það er hyggilegt að dreifa áhættunni og hafa ekki öll eggin í einni körfu- álkörfunni.  Reynslan af álvinnslu hér sl. 40 árin segir okkur að það koma það lægðir sem hæðir í álverði- það þekki ég mjög vel eftir tæpa fjóraáratugi í álvinnslunni- þá eru erfiðir tímar .  Við eigum að fara horfa meira til netþjónabúa-kisilmálmvinnslu og þ.h sem er nú að banka uppá.

Samkvæmt skoðanakönnunum er meirihluti þjóðarinnar ekki lengur hlynntur frekari stóriðju- Ungir jafnaðarmenn mótmæla síðustu atburðum í álmálunum.

[Lára Stefánsdóttir, 27.6.2008 kl. 23:01]

Munurinn á Bakka og Helguvík er fyrst og fremst sú að samfélagsáhrifin eru miklum mun meiri í Norðurþingi en á suðvesturhorninu. Húsvíkingar hafa unnið hörðum höndum að því að fá atvinnurekstur á svæðið sem nýtir jarðhitaorku í nágrenninu og þrátt fyrir að margt hafi verið reynt og skoðað virðist ekki fylgja nein alvara hjá nokkrum öðrum en álframleiðslufyrirtækjum. Þensla undanfarinna ára hefur ekki náð til landsbyggðarinnar og þrátt fyrir að hátt sé talað eru fáir sem af alvöru leggja virkilega vinnu í að taka þátt í atvinnuuppbyggingu á landsbyggðinni, því þarf hún að bjarga sér eins og hún getur sjálf. Þeir sem vilja annan atvinnurekstur á svæðið þurfa því að bretta upp ermar og sjá til þess að hann komi því þrátt fyrri margra ára vinnu Húsvíkinga er þetta það sem eftir stendur.

Vinnuferlið við Bakka er einfaldlega á réttu róli, á hvorugum staðnum er búið að tryggja fulla orku og því verður þetta að koma í ljós.