Aflaverðmæti íslenskra fiskiskipa 80 milljarðar sl. ár

Afli íslenskra skipa var tæp 1.396 þúsund tonn á síðasta ári, 73 þúsund tonnum meiri en árið 2006. Aflaverðmæti var rúmir 80 milljarðar króna og jókst um 5,4% frá fyrra ári. Stærsti hluti afla íslenskra fiskiskipa var unninn á Austurlandi, enda er stórum hluta uppsjávaraflans landað þar. Aflakaupendur á Suðurnesjum og á höfuðborgarsvæðinu keyptu mestan afla, að andvirði um 14,5 milljarða hvor. Þetta kemur fram í riti Hagstofu Íslands, Afli, aflaverðmæti og ráðstöfun afla 2007.

Í ritinu kemur m.a. fram að á árinu 2007 var stærsti hluti botnfiskaflans  unninn á höfuðborgarsvæðinu og á Suðurnesjum eða rúm 40%. Af þorskaflanum fór mest í salt en stærstur hluti ýsuaflans var frystur í landi.(mbl.is)

Þetta er góður afli þrátt fyrir þorsksamdrátt.Athyglisvert er,að aflaverðmætið jókst um 5,4% frá árinu 2006.

 

Björgvin Guðmundsson

 

 

 

Aflaverðmætið 80 milljarðar króna

Athugasemdir

[B.N. (IP-tala skráð) 10.7.2008 kl. 21:57]

Erlendu lánin um síðustu áramót voru varlega áætluð 300 milljarðar í íslenskum krónum sem skuldir útgerðar voru hér á landi sem urðu til að mestu vegna kvótabraskins á síðustu 18 árum eða svo. Þar sem Íslenska krónan hefur fallið a.m.k um 30% frá áramótum hafa skuldirnar hjá útgerðinni hækkað úr 300 milljörðum í 390 milljarða ca. Niðurstaða er að 80 milljarða aflaverðmæti íslenskra fiskiskipa dugar skammt til þess að halda sjó í efnahagsöldudalnum. Þökk sé kvótabraskerfinu!! 

Baldvin Nielsen Reykjanesbæ