Gæti íslenskur banki orðið gjaldþrota?

Umræðan um íslenska banka og fjármálastofnanir   er nú kominn á það stig,að menn ræða opinskátt um það,að íslenskur banki  gæti orðið gjaldþrota. Nýlega voru birtar tölur um skuldir bankanna erlendis og eignir á móti. Menn hrukku við þegar þeir sáu hve´ gífurlega miklar skuldirnar eru en eignir eru að vísu miklar á móti.Sá galli er hins vegar á gjöf Njarðar,að  það getur oft verið erfitt að koma  eignunum í verð. Allt veltur á því hvernig bönkunum gengur að endurfjármagna  sig.Það er erfitt um þessar mundir nema með gífurlegum kostnað. 

Hvað gerist,ef einhver íslenskur banki kemst í veruleg vandræði,getur ekki greitt af erlendum skuldum sínum og við blasir þrot? Á íslenska ríkið þá að koma honum til bjargar? Margir segja nei. Bankarnir hafa komið sér í þessi vandaræði og þau eru þeirra mál. En málið er ekki svo einfalt.Fjöldi sparifjáreigenda á sparifé sitt í bönkunum. Íslenska ríkið  vill gæta hagsmuna þeirra.Það yrði mikill álitshnekkir fyrir Ísland ef einhver banki hér yrði gjaldþrota.Hugsanlega mun Seðlabankinn lána bönkunum fjármagn til þess að  þeir geti staðiðí  í skilum við   greiðslur af erlendum lánum.

Hugsunin á bak við aukinn gjaldeyrisforða Seðlabankans er sú,að erlendar lánastofnanir viti af því að nægir fjármunir séu fyrir hendi í Seðlabankanum til þrautavara.Vonandi  þarf ekki að nota þessa peninga. En ef allt um þrýtur gæti Seðlabankinn lánað bönkunum fé.

 

Björgvin Guðmundsson

Athugasemdir

[Valdimar Samúelsson, 8.9.2008 kl. 13:57]

Yrði einhver meiri álitshnekkir ef banki færi á hausinn en þegar hlitabréfakreppan dundi yfir. Myndu bankar einhvað reyna að bjarga sparífjáreigendum frekar en hlutafjáreigendum. Nei hósey. Þeir hugsa um sig.