Jón Ásgeir talar um hefndaraðgerð Davíðs

Blöðin fjalla ítarlega um kaup ríkisins á 75% hlut í Glitni.Einkum er ítarleg og góð frásögn í Morgunblaðinu.Við lestur  á frásögnum þessum verður maður hálfhissa á harkalegum aðgerðum  og hraða aðgerðanna.Eiginfjárstaða Glitnis var mjög sterk og eignasafnið gott. Menn eru sammmála um að bankinn hafi verið vel rekinn. Vandamálið var lausafjárstaðan.Bankinn hafði áhyggjur af 150 milljónum evra,sem voru á gjalddaga á næstunni. Bankinn hafði fengið lof fyrir lánalínum,sem skyndilega var  sagt upp.Erlendur banki,sem Glitnir leitaði til, sagðist hafa lánað Seðlabankanum mikið fé og  Glitnir gæti því leitað til Seðlabankans. Glitnir vildi fá lán í Seðlabankanum en því var neitað.Jón Ásgeir segir,að Davíð Oddsson hafi hér séð færi á því að koma fram hefndum gegn Baugi með því að mæla með leið sem mundi  valda honum og Stoðum tugmilljarða  tapi. Stoðir áttu 30% í Glitni og Jón Ásgeir er aðaleigandi Stoða.

Þorsteinn Pálsson skrifar leiðara í Fréttablaðið og kallar þetta þjóðnýtingu Glitnis. Hann spyr hvers vegna lánaleiðin hafi ekki verið farin. Fleiri spyrja að því.Sjálfsagt styrkir leið ríkisins fjármálakerfið og kemur skattgreiðendum vel þegar til lengdar lætur en svo virðist sem fleiri leiðir hefðu verið færar  í stöðunni.

 

Björgvin Guðmundsson

Athugasemdir

[Bjarni Kjartansson, 30.9.2008 kl. 10:40]

Það er til afar einfalt svar og ekki þarf að leita þess í herbúðum bleksóða á DV og Fréttablaðinu, hverjir eru húskarlar hjá þeim sem básúna hátt og snjallt um yfirtöku og hefnd.

 Lestu á Eyjunni úttekt á aðdraganda þessarar yfirtöku.

Þar kemur afar skýrt fram, að lánaleiðin var reynd ekki einu sinni, --heldur tvisvar og var STÖÐVUÐ af lánadrottni, sem benti á reglur EES/ESB um ríkisábyrgð og aðstoð við banka á markaði.

Þetta er núna á Eyjunni undir fyrirsögninni ,,Aðdragandi Glitnis-yfirtöku

mbk

Miðbæjaríhaldið