Duga eignir Landsbankans fyrir innstæðum sparifjáreigenda hér og ytra?

Samkvæmt lögum ber Tryggingasjóði innstæðueigenda og fjárfesta að greiða allt að 20.000 EUR til innstæðueigenda ef banki fer í þrot. Lögfræðingar   eru  þó ekki á eitt sáttir um það hvort þetta gildi,þegar allt bankakerfi og fjármálakerfi lands fer á hliðina eins og gerst hefur á Íslandi.Gunnar Þór Pétursson sérfræðingur í lögum við Háskólann í  Reykjavík telur,að þetta ákvæði um innstæðutryggingar gildi ekki  við það neyðarástand,sem nú ríkir á Íslandi. Stefán Már Stefánsson prófessor í lögum telur,að tryggingasjóði innstæðueigenda sé aðeins skylt að greiða sem svarar því sem er í sjóðnum en að ríkinu beri ekki skylda til þess að bæta fjármagni við.Forsætisráðherra sagði á blaðamannafundi fljótlega eftir að neyðarlögin voru sett,að eignir Landsbankans mundu nægja til þess að greiða erlendum  innistæðueigendum.Ég tel,að ef eignir Landsbankans duga eins og forsætisráðherra sagði, sé rétt að greiða  erlendum innstæðueigendum allt að 20.000 Eur pr. kennitölu en ef eignir bankans duga ekki í þessu skyni verði útgreiðsla lækkuð sem því svarar.
 

Innstæður í pundum í Landsbankanum námu 989 mö.kr. við birtingu hálfsársuppgjör en hafa lækkað frá þeim tíma. Stærð   tryggingasjóðsins á að nema 1% af meðaltali tryggðra innstæða á næstliðnu ári.

Eignir Landsbankans námu 3.970 mö.kr. í lok júní. Eitthvað af þeim eignum hafa þó rýrnað umtalsvert frá því 29. október þegar tilkynnt var að ríkið hygðist leggja Glitni til nýtt hlutafé. En vonandi fara eignir bankans langleiðina til þess að greiða bæði íslenskum og erlendum innstæðueigendum.

Björgvin Giðmundsson
 

Athugasemdir

[Jón Gunnar Bjarkan, 13.11.2008 kl. 17:28]

Mér skilst reyndar að deilan snúi ekki um þetta heldur að innistæðueigendum hafi verið mismunað eftir þjóðerni. Það er að segja að íslenskum innistæðueigendum hafi verið tryggðir upp í topp en fólk af erlendu bergi brotið hafi verið látið flakka eða eigi aðeins að fá hluta til baka eða eitthvað svoleiðis.

Maður veit náttúrulega ekki meira en ríkisstjórnin segir manni og eina sem hún segir er að það ríki lögræðilegur ágreiningur um þetta mál.