Útifundir við Austurvöll halda áfram

Um 300 manns komu á útifund Radda fólksins á Austurvelli í Reykjavík í dag. Þetta er 22. vikan í röð sem samtökin standa fyrir útifundum og 28. mótmælafundurinn á Austurvelli undir yfirskriftinni Breiðfylking gegn ástandinu.

 

Kröfur Radda fólksins eru að eignir fjárglæpamanna séu frystar, verðtrygging afnumin og kvótinn færður aftur til þjóðarinnar. Ræðumaður í dag var Carlos Ferrer, guðfræðingur og kennari, og  í tilkynningu frá Röddum fólksins segir: Raddir fólksins eru óflokkspólitísk samtök sem byggja á sjálfsprottnu og ólaunuðu framtaki þjóðhollra Íslendinga sem blöskrar aðför bankastjórna, fjárglæpamanna og stjórnmálamanna að sjálfstæði þjóðarinnar. Af gefnu tilefni frábiðjum við okkur að vera bendluð við það ólýðræðislega flokksræði sem ræður ríkjum á Alþingi. Framtíð landsins byggist á því að þjóðin hreinsi til á þingi og í stjórnkerfinu. Flokkakerfið hefur brugðist og nú verður að skrifa nýja stjórnarskrá með breyttum pólitískum leikreglum. Í undanfara síðustu stjórnarskipta fóru talsmenn Radda fólksins á fund forseta Íslands með kröfu um utanþingsstjórn. Í kjölfarið fengu Íslendingar ríkisstjórn þar sem 2 af 10 ráðherrum, viðskiptaráðherra og dómsmálaráðherra, eru fulltrúar hugmynda samtakanna. Þessir umræddu ráðherrar eru óumdeildir mannkostamenn með mikla þekkingu á sínum málaflokkum.(visir.is)

Það er aðdáunarvert hvað Raddir fólksins eru þrautseigar.Enda þótt flestar kröfur samtakanna hafi náð fram að ganga og það haf fækkað mikið á fundunum halda þeir áfram.

 

Björgvin Guðmundsson

 

« 

Athugasemdir

[Hilmar Gunnlaugsson, 7.3.2009 kl. 17:31]

Það er ánægjulegt að lítið hafi farið fyrir skemmdum en meira fyrir lýðræðislegri umræðu í dag.