Ríkisstjórnin fundar á Akureyri í dag

Nýja ríkisstjórnin ætlar að halda sinn fyrsta fund í bæjarstjórnarsalnum í Ráðhúsinu á Akureyri í dag, og hefst hann í hádeginu. Þetta er að líkindum fyrsti ríkisstjórnarfundur, sem haldinn hefur verið utan Reykjavíkur og Þingvalla og velta Akureyringar fyrir sér hvort Akureyri sé ekki höfuðborg landsins, í dag að minnsta kosti.

Að tilmælum almannavarnaráðs fara ráðherrarnir norður í þremur hópum til öryggis. Fyrsti hópurinn fór norður í gærkvöldi og hinir tveir fara fyrir hádegi, allir með áætlunarflugi. (visir.is)

Þetta er skemmtileg nýbreytni.Þetta er táknrænt og leiðir í ljós,að ríkisstjórnin vill leggja áherslu á landsbyggðina en ekki aðeins höfuðborgarsvæðið og suðvesturhornið. 

 

Björgvin Guðmundsson