Allir fengu skólavist í framhaldsskólum

Allir sem útskrifuðust úr grunnskólum í vor hafa fengið pláss í framhaldsskólum. Þetta sagði Katrín Jakobsdóttir, menntamálaráðherra á Morgunvaktinni á Rás tvö.

Óvenjumargir grunnskólanemendur sóttu um skólavist í framhaldsskólum í vor eða 96% grunnskólanema. Í júní hafði hluti þeirra ekki komst inn í neinn framhaldsskóla. Ekki bætti úr skák að margir nemendur komust ekki inn í neinn þeirra þriggja skóla sem þeir völdu, jafnvel þótt skólaeinkunn þeirra væri yfir meðallagi. Katrín Jakobsdóttir, menntamálaráðherra segir að búið sé að leysa vanda nemendanna að mestu leyti.

„Staðan núna er þannig að það hafa allir fengið skólavist," sagði Katrín. „En hinsvegar ekki endilega í þeim skólum sem þeir vildu fara í."(ruv.is)

Þetta eru ánægjulegar fréttir.Það er óviðunandi,að unglingar,sem útskrifast úr grunnskólum fái ekki skólavist í framhaldsskólum.

 

Björgvin Guðmundsson