Ólga í Sjálfstæðisflokknum vegna afstöðu Þorgerðar Katrínar

Bjarni Benediktsson, formaður Sjálfstæðisflokksins, segir að fullur trúnaður og traust ríki milli hans og Þorgerðar Katrínar Gunnarsdóttur, varaformanns flokksins.

Formaður Sjálfstæðisflokksins segir óheppilegt að ekki ríki einhugur í forystu flokksins og vísar þar til þess að Þorgerður Katrín Gunnarsdóttir, varaformaður flokksins, sat hjá við atkvæðagreiðslu um Evrópumálin í gær, þvert á flokkslínur. Hann segir stöðu hennar þó ekki hafa veikst.

Það er ólga innan Sjálfstæðisflokksins og þar eru skiptar skoðanir um að Þorgerður Katrín Gunnarsdóttir, varaformaður flokksins, sat hjá í gær við atkvæðagreiðsluna um Evrópumálin, á meðan formaður flokksins og þorri þingmanna greiddi atkvæði gegn. Af samtölum við flokksmenn má ráða að á meðan sumir þeirra eru ánægðir með þetta eru aðrir mjög ósáttir og telja stöðu hennar veikari eftir þetta.

Miðstjórnarfundur flokksins var haldinn í dag en miðstjórn er æðsti valdhafi innan flokksins á milli landsfunda. Þar var þessi staða rædd af hreinskilni samkvæmt heimildum fréttastofu.maður flokksins hefur þetta viðhorf gagnvart atkvæðagreiðslu Þorgerðar í gær. „Þetta sýnir að það er ekki fullur einhugur í málinu og óheppilegt að það sé þannig í forystu flokksins,“ segir Bjarni. “En það er ekki við því að búast að allir flokksmenn tali einni röddu.“ (ruv.is)

Á sama tíma og þingmenn Sjálfstæðisflokksins halda því fram  með mikilli vanþóknun að þingmenn VG hafi verið kúgaðir til þess að fylgja tillögu um aðildarviðræður ráðast þeir að Þorgerði Katrínu fyrir að hafa setið hjá en ekki fylgt formanni sínum við atkvæðagreiðsluna. Þó vitað sé að Þorgerður Katrín hafi verið fylgjandi aðildarviðræðum  þykir forustumönnum flokksins afleitt að hafa ekki getað kúgað  Þorgerði Katrínu  til þess að greiða atkvæði á móti  tillögunni um aðildarviðræður.Bæði

Þorgerður Katrín og Ragnheiður Ríkharðsdóttir sýndu mikið hugrekki við atkvæðagreiðsluna.

 

Björgvin   Guðmundsson

 

Athugasemdir

[Jón Gunnar Bjarkan, 18.7.2009 kl. 07:52]

Það er greinilegt að allir þingmenn eigi að fylgja sannfæringu sinni, nema þingmenn sjálfstæðisflokksins, það rúmast aðeins ein sannfæring þar inni. Ég vona innilega sem hægri maður að Sjálfstæðismenn fari bráðum að taka upp áttavita eða GPS í utanríkismálum. Að kjósa nokkrun tíma flokk sem er jafn ráðvilltur og áttaviltur í utarnríkismálum og sjálfstæðisflokkur er ekki bjóðandi fólki.