Helmingslíkur á aðild að ESB

Þorsteinn Pálsson fyrrverandi formaður Sjálfstæðisflokksins og fyrrverandi ritstjóri Fréttablaðsins ræðir stjórnmál almennt við Mbl. í stóru viðtali og kemur m.a. inn á umsókn Íslands að ESB.Gagnrýnir hann,að stjórnarandstaðan hafi ekki fengið aðild að undirbúningi aðildar að ESB.Það er réttmæt gagnryni, en ef til vill of snemma fram komin,þar eð ég tel víst,að utanríkisráðherra ætli sér að leita til stjórnarandstöðunnar og virkja hana við undirbúning aðildar að ESB.

Nú er sá fulltrúi ESB,sem hefur með umsókn nýrrra ríkja að gera,væntanlegur hingað til lands og mun hafa meðferðis allar þær spurningar,sem Ísland þarf að svara áður en  ákveðið verður að hefja aðildarviðræður við Ísland.Aðildarviðræður eru langt ferli og alveg óvíst áður en viðræður hefjast hver niðurstaðan verður. Ég met  helmingslíkur á að Ísland fái viðunandi  samning og gerist aðili að ESB.Það er forsenda aðildar Islands að ESB að við fáum viðunandi samning um sjávarútvegsmál.Það er erfitt að meta líkur á því að svo verði, Sérfræðingar segja,að miðað við starfsaðferðir   ESB til þessa eigi Ísland að fá allar veiðiheimildir við Ísland þar eð miðað sé við veiðireynslu og engar aðrar þjóðir hafi veiðireynslu við Ísland síðustu áratugi.Einnig ætti Ísland að geta fengið nægilegar undanþágur í landbúnaðarmálum  með hliðsjón af því að Svíar og Finnar fengu slíkar undanþágur.

 

Björgvin Guðmundsson